काठमाडौँ,असोज ११
आज बुद्ध एयरका दुईवटा विमानमा समस्या देखिएपछि गन्तव्यमा अवतरण गर्न नसकी काठमाडौँ फर्किएका छन् । बिहान त्रिभुवन अन्तर्राष्ट्रिय विमानस्थलबा पोखराका लागि उडेको अर्को विमानमा पनि समस्या देखिएपछि काठमाडौँ फर्किएको हो ।
दुबै विमान त्रिभुवन अन्तर्राष्ट्रिय विमानस्थलमा सकुशल अवतरण गरेको त्रिभुवन विमानस्थलका प्रवक्ता रिञ्जे शेर्पाले जानकारी दिए । उनका अनुसार पोखराका लागि उडेको यू ६०१–९ एनएजेओ कलसाइनको विमान काठमाडौँ फर्किएको हो । सो विमानको ककपिटमा धुवाँ देखिएको थियो ।
ककपिटमा धुँवा आएपछि चालकले विमानलाई काठमाडौँ डाइभर्ट गरेका थिए । काठमाडौंमा अवतरणपछि सो विमान पुनः यात्रु लिएर पोखरा उडेको प्रवक्ता शेर्पाले जानकारी दिए ।
प्रकाशित : २०७८ आश्विन ११, सोमबार १४:११
