काठमाडौं असोज ३१
सिन्धुपाल्चोकमा सवारी दुर्घटना भएको छ । सिन्धुपाल्चोकबाट काठमाडौं जाँदै गरेको यात्रुवाहक बस सुनकोशी गाउँपालिका–७, पाँचकिलो भन्ने ठाउँ नजिक दुर्घटना भएको हो । ब्रेक फेल भएर बा २ ख ३२६४ नम्बरको बस आइतवार दिउँसो सवा २ बजे दुर्घटना भएको सिन्धुपाल्चोक प्रहरीले जनाएको छ ।
बसमा चालक, सहचालक गरी ३५ जना रहेको जिल्ला प्रहरी कार्यालय सिन्धुपाल्चोकका सूचना अधिकारी डीएसपी दक्ष बस्नेतले जानकारी दिए । उनका अनुसार दुई जनाको अवस्था गम्भीर भएकाले धुलिखेल पठाइएको छ । अन्य घाइतेको स्थानीय अस्पतालमा उपचार भइरहेको छ ।
दुर्घटनाबारे अझै अनुसन्घान भइरहेको प्रहरीले जनाएको छ ।
प्रकाशित : २०७८ आश्विन ३१, आईतवार १६:३७
