बुटवल ,कार्तिक २

रुपन्देहीको तिलोत्तमामा सवारी दुर्घटना भएको छ । दुर्घटनामा परेर एक जना घाइते भएका छन् । बुटवलबाट भैरहवातर्फ जाँदै गरेको लु ५० प १२२ नम्बरको मोटरसाइकल सोही दिशामा रहेको लु २ ख ४६६७ नम्बरको टिप्परमा ठक्कर खादाँ दुर्घटना भएको हो । मंगलबार दिउँसो तिलोत्तमाको योगीकुटीमा दुर्घटना भएको ट्राफिक प्रहरी कार्यालय बुटवलले जानकारी दिएको छ ।

सडक किनारमा रोकेको टिप्परमा मोटर साइकलले ठक्कर खाँदा मोटर साइकल चालक घाइते भएको र उनको उपचारका लागि बुटवलस्थित चौराह अस्पतालमा पठाइएको प्रहरीले जनाएको छ ।