काठमाडौं,कात्तिक २

( सुनसरीको धरानमा पहिरोले पुरिएर दुई बालबालिकाको मृत्यु भएको छ। मंगलबार परेको अबिरल बर्षाको कारण घर पुरिँदा दुई बालबालिकाको मृत्यु भएको हो । आज दिउँसो पौने २ बजे घरमाथिबाट पहिरो झर्दा एक तले टिनको छाना भएको घर पुरिँदा सो भित्र रहेका दुई बालबालिकासमेत पुरिएका हुन्।

पहिरोले पुरिएर मृत्यु हुनेमा धरान उपमहानगरपालिका १३ नागेश्वर मार्ग बस्ने निसान राईको छोरी ८ वर्षीया निसु राई र छोरा ४ वर्षीय निहान राई रहेकाप्रदेश १ प्रहरी कार्यालय विराटनगरले जानकारी दिएको छ।

घटनाको जानकारी पाएलगतै इलाका प्रहरी कार्यालय, धरानबाट उद्धारको लागि प्रहरी टोली खटि गएको थियो।उद्धारमा खटिएको टोलीले दिउँसो साढे ३ बजे दुई बालबालिकालाई मृत अवस्थामा फेला पारेको प्रहरीले जनाएको छ।