एमाले रुपन्देहीको तिलोत्तमा नगरपालिका वडा न ५ को वडा अधिवेशन सम्पन्न भएको छ । राष्ट्रिय सभा सदस्य गोपाल भट्टराई र अध्यक्ष मण्डल संयोजक तथा प्रदेश कमीटी सदस्य लक्ष्मण ज्ञवालीको प्रमुख आतिथ्यमा सम्पन्न अधिवेशनले पाँच पदाधिकारीसहित ३१ सदस्यीय वडा समिती निर्विरोध रुपमा चयन गरेको छ । जसको अध्यक्षमा कृष्ण प्रसाद भट्टराई, उपाध्यक्षमा चुरामणी पाण्डे, सचिवमा दिपेन्द्र अधिकारी, उपसचिवमा डिल्लीराज पाण्डे र शिव कार्की सुवेदी रहेका छन् । कार्यक्रममा निर्वाचन क्षेत्रीय सदस्य किरणदेवी खनाल, जिल्ला कमिटी सल्लाहकार नारायण रेग्मी, वडा अध्यक्ष चेतनारायण भण्डारी, र खेमराज आचार्यलगायतले मन्तव्य राख्नुभएको थियो । कार्यक्रमको सञ्चालन चण्डीप्रसाद पाण्डेले गर्नुभएको थियो । त्यस्तै वडा नं ९ को अधिवेशनले अध्यक्षमा बाबुराम भण्डारी, उपाध्यक्षमा गणेश न्यौपाने, सचिवमा शंकर भुषाल, सहसचिवमा सरस्वती क्षेत्री र कमल शर्मासहित १९ सदस्यीय कार्यसमिती निर्वीरोध चयन गरेको छ ।
