लुदअ कात्तिक ८, पाँचथर
पाँचथरमा बस दुर्घटना हुँदा ६४ जना घाइते भएका छन्।
फिदिम–यासोक सडक खण्ड अन्तर्गत सिवाखोलाबाट फिदिम आउँदै गरेको को १ ख ३८६५ नम्बरको बस आज बिहान करिब साढे ११ बजे फिदिम–४ सरखण्डेमा दुर्घटना भएको हो । दुर्घटनामा घाइते भएकामध्ये केहीको अवस्था गम्भीर रहेको छ।
घाइतेहरूको पाँचथर अस्पताल, पाथिभरा अस्पताल र समर्पित अस्पतालमा उपचार भइरहेको जिल्ला प्रहरी कार्यालय पाँचथरका सूचना अधिकारी डम्बर विश्वकर्माले जानकारी दिनुभयो ।
दुर्घटनाको विस्तृत विवरण आउन बाँकी छ ।
प्रकाशित : २०७८ कार्तिक ८, सोमबार १४:१७
