धनगढी, कार्तिक १८
कैलालीमा यस वर्ष तिहारका लागि फूलको अभाव भएको छ । लगातारको वर्षाका कारण फूलमा क्षति भएपछि फूल अभाव भएको हो ।
स्थानीयका अनुसार बजारमा फूल अभाव देखाउँदै व्यवसायीले महंगोमा फूल बेच्न थालेका छन् ।
वर्षाका कारण फूल खेतीमा नोक्सानी भएकाले फूलको अभाव हुने देखिएको हो । कात्तिक पहिलो साताको वर्षाका कारण फूलखेतीमा क्षति भएको पुष्प व्यवसायीहरूले बताएका छन् । फूल अभाव भएपछि कैलालीमा कृत्रिम फूलको व्यापार फस्टाएको धनगढीस्थित पुष्प व्यवसायी बताउँछन । प्राकृतिक फूल अभाव रहेको देखिएपछि भारतबाट करोडौंको कृत्रिम फूल भित्रिएका छन् ।
प्रकाशित : २०७८ कार्तिक १८, बिहीबार १३:४५
