लुदअ कात्तिक २१, सल्यान
सल्यानबाट दाङको तुलसीपुर जाँदै गरेको ना २ ख २५५२ नम्बरको यात्रुवाहक बस कपुरकोटको खारखोला नजिक दुर्घटना हुँदा नौ जनाको ज्यान गएको छ ।
जिल्ला प्रहरी कार्यालयका प्रहरी नायब उपरीक्षक डीएसपी गोविन्द थापाका अनुसार घटनास्थलबाट उद्धार गरिएका र घटनास्थलमै गरी नौ जनाको ज्यान गएको हो । बसमा कम्तीमा ३० यात्रु रहेका अनुमान गरिएको छ। बस सडकबाट दुई सय मिटर तल खसेको बताइएको छ ।
अहिले पनि उद्धार जारी रहेको र मृतकका सनाखत हुन बाँकी रहेको जनाइएको छ । दुर्घटनाबारे थप विवरण आउन बाँकी छ ।
प्रकाशित : २०७८ कार्तिक २१, आईतवार १४:५०
