मंसिर ३,
चिसो बढ्ने क्रम जारी रहेको जल तथा मौसम पूर्वानुमान महाशाखाले जनाएको छ । वायुको अधिकतम र न्यूनतम तापक्रम घट्ने क्रममा रहेकाले चिसोबाट बच्न सामान्य सतर्कता अपनाउन जल तथा मौसम पूर्वानुमान महाशाखाले अपिल गरेको छ । नेपालमा अहिले अरब सागरमा बनेको निम्न चापीय क्षेत्रको आंशिक प्रभाव रहेको मौसमविद्ले बताएका छन् । आज दिनभर प्रदेश १, बागमती, लुम्बिनी, गण्डकी, कर्णाली र सुदूर पश्चिम प्रदेशका भूभागहरूमा आंशिकदेखि सामान्य बदली रही बाँकी भूभागमा आंशिक बदली रहेको र आज रातिपनि प्रदेश १, बागमती, लुम्बिनी, गण्डकी तथा कर्णाली प्रदेशका भूभागहरू आंशिकदेखि सामान्य बदली रही बाँकी भूभागमा आंशिक बदली रहने महाशाखाले जनाएको छ ।