लुदअ मंसिर १२, काठमाण्डौ
नेपाली कांग्रेसका वरिष्ठ नेता रामचन्द्र पौडेलले पार्टी रूपान्तरणका १० सूत्र सार्वजनिक गर्नुभएको छ । नेता पौडेलले कांग्रेसको अबको बाटो शीर्षकमा १० बुँदे एजेन्डा सार्वजनिक गर्नुभएको हो । नेता पौडेलले आज आइतवार सार्वजनिक गर्नुभएको सूत्रमा पार्टी विधानको मर्यादामा रहेर न्याय, निष्पक्षता र पारदर्शी मूल्याङ्कनसहित आन्तरिक लोकतन्त्र र पार्टी एकता मजबुद पार्न आह्वान गर्नुभएको छ ।
राजनीतिलाई सम्मानित क्षेत्र बनाउन सिद्धान्त र विचारको बहसलाई अघि बढाउनुपर्ने, राजनीतिमा निष्ठा र नैतिकता स्थापित गर्न सङ्घर्ष गर्नुपर्ने लगायतका विषयहरू उहाँको एजेन्डामा समेटिएका छन् । नेपा पौडेलले पार्टीको लोकतन्त्र क्षय भइरहेको भन्दै त्यसलाई जोगाउनुपर्ने बताउनुभएको छ । यस्तै २०१५ सालमा कांग्रेसले दुई तिहाइ जनसमर्थन प्राप्त गरेको उल्लेख गर्दै नेता पौडेलले कांग्रेसलाई त्यही अवस्थामा पु¥याउन प्रयासका लागि आह्वान गर्नुभएको छ ।
