हरि आचार्य, कपिलवस्तु
नेकपा एमालेको भातृ संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) सिद्धार्थ क्याम्पस कमिटीको अध्यक्षमा पशुपति गिरी चयन भएका छन् । अनेरास्ववियु सिद्धार्थ क्याम्पस कमिटि भेलाले गिरीको अध्यक्षतामा २५ सदस्यीय कार्यसमिती चयन गरेको छ ।
जसको उपाध्यक्षमा केशव खनाल, सचिवमा कोपिला गिरी, सहसचिवमा सरस्वति पाण्डे, प्रदिप पोख्रेल, दिपक कुमार ठाकुर र कोषाध्यक्षमा सरिता यादव र अन्य सदस्य पदमा चयन भएका छन् ।
कार्यक्रममा बोल्दै अनेरास्ववियु सचिवालय सदस्य तथा कपिलवस्तु इन्चार्ज लेखनाथ खनालले विद्यार्थीहरुको हकहित र अधिकार सगैं समग्र देशलाई समृद्ध बनाउन अनेरास्ववियु संगै नेकपा एमालेको विकल्प नरहेको बताए ।
अनेरास्ववियु स्थाई कमिटी सदस्य तथा कपिलवस्तु इन्चार्ज लेखनाथ खनालको प्रमुख आतिथ्यतामा भएको कार्यक्रममा अनेरास्ववियु जिल्ला कमिटी सदस्य, जिल्ला सचिवालय सदस्य लगायतको अन्य विद्यार्थी नेताहरुको उपस्थिती रहेको थियो ।
