बुटवल, मंसिर २४ ।
रूपन्देहीको सैनामैना नगरपालिकाका एक पुरूषले आफ्नै श्रीमतीलाई धारिलो हतियार प्रयोग गरी हत्या गरेका छन् । सैनामैना वडा नम्बर ८ का सन्त बहादुर घर्तीले ३६ वर्षीया खुमालाई शुक्रबार खुकुरी प्रहार गरी हत्या गरेको जिल्ला प्रहरी कार्यालय, रूपन्देहीले जानकारी दिएको छ ।
रूपन्देही प्रहरी प्रवक्ता नवरत्न पौडेलले खुकुरी प्रहार गरी खुमाको हत्या गरेको खुलेको जानकारी दिए । बुटवल ११ दिदीको घर बसेकी खुमालाई सन्तबहादुरले खुकुरी प्रहार गरेका थिए । केही समयदेखि उनीहरूबीच पारिवारिक द्वन्द्व रहेको बताइएको छ । सन्तबहादुरले शुक्रबार बिहान घरमा आएकी खुमाको घाँटीमा खुकुरी प्रहार गरी गम्भीर घाइते बनाएका थिए ।खुकुरी प्रहारबाट गम्भीर घाइते खुमाको उपचारको लागि लुम्बिनी प्रादेशिकअस्पताल, बुटवल लैजाँदैगर्दा बाटोमै मृत्यु भएको डिएसपी पौडेलले बताए ।श्रीमतीमाथि खुकुरी प्रहार गरेपछि फरार भएका सन्तबहादृरलाई प्रहरीले नियन्त्रणमा लिएको छ ।