नेपाल कम्युनिष्ट पार्टी (एमाले) सिद्धार्थनगर नगर कमिटीको दोस्रो पूर्ण बैठक बुधबार भैरहवामा सम्पन्न भएको छ ।
बैठकमा सचिवालय गठन, समीक्षा कार्यक्रम, रिपोर्टिङसहित कार्यविभाजन समेत गरिएको एमाले सिद्धार्थनगर नगरक मिटीका अध्यक्ष चक्र बहादुर थापाले बताए ।
बैठकमा बोल्दै प्रमुख अतिथि एमालेका केन्द्रीय सदस्य तथा रुपन्देही जिल्ला इञ्चार्ज भुमिश्वर ढकालले एमाले एकढिक्का भएर संगठनलाई चुस्तदुरुस्त बनाउन अभियानसहित लागेको बताए । उनले पार्टीको महाधिवेशनबाट जिल्ला र प्रदेश अधिबेशन र पार्टीका भातृ संगठनका महाधिवेशन तथा अधिवेशन सम्पन्न गर्न थालिएको बताए ।
त्यस्तै पार्टीका लुम्बिनी प्रदेश कमिटी सचिवालय सदस्य विश्वराज बराल (अनुप) ले १० औं राष्ट्रिय महाधिवेशनपछि एमाले एकढिक्का भएर जनतामाझ आएको बताए । एमाले लुम्बिनी प्रदेश कमिटी सदस्य राजेन्द्र प्रसाद पन्थीले एमाले देशकै पहिलो शक्ति भएकोले जनताको आशा र भरोसा पाटीप्रति रहेको बताइ ।
पार्टीका लुम्बिनी प्रदेश कमिटी सदस्य लक्ष्मी कोइराला (भावना) ले अल्पसंख्यक, उत्पीडित तथा महिलाको हकहितको लागि काम गर्ने पार्टी एमाले भएको बताइन । एमाले रुपन्देही जिल्ला कमिटी सचिवालय सदस्य तथा क्षेत्र नम्बर ३ का संयोजक हितराज पन्थीले १० औं राष्ट्रिय महाधिवेशनले दिएको सन्देश अनुसार सोही गतिमा काम गर्ने गरी पार्टीका सदस्यहरुलाई जनताका समस्या समाधान गर्ने गरी काम गर्न आग्रह गरे ।
पार्टीका जिल्ला कमिटी सचिवालय सदस्य चोपलाल आचार्यले एमाले मुलुकको पहिलो शक्ति भएकले जनताको घरदैलोमै पुगि समस्या समाधानमा निरन्तर लागिरहेको बताए ।
बैठकमा नेकपा एमालेका जिल्ला कमिटी सदस्य तथा सिद्धार्थनगर नगरपालिकाका नगरप्रमुख हरि प्रसाद अधिकारी, एमाले जिल्ला कमिटी सदस्यहरु प्रेम कुमार सेञ्चुरी, डिजाइन थापा, उमा अधिकारीले सिद्धार्थनगरमा पार्टीले खेल्नुपर्ने भूमिकाका बारेमा बोलेका थिए । एमाले नगर कमिटीका अध्यक्ष चक्र बहादुर थापाको अध्यक्षता, उपाध्यक्ष अर्जुनु कुमार गिरीको स्वागत तथा सचिव नारायण प्रसाद भण्डारीको सञ्चालनमा कार्यक्रम सम्पन्न भएको थियो ।
प्रकाशित : २०७८ पुष १, बिहीबार १४:५६
