हरि आचार्य, कपिलवस्तु
नेकपा एमालेको जनवर्गीय संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) कपिलवस्तु संगठन विस्तारमा लागेको छ । पार्टीको निर्देशन अनुसार पार्टीलाई अझ सशक्त रुपमा अगाडि बढाउनका लागि अहम भुमिका खेल्ने भातृसंगठनअनेरास्ववियु कपिलवस्तु संगठन विस्तारमा ब्यस्त छ ।
कपिलवस्तुका विभिन्न स्थानीय तहमा पनि पालिका कमिटि गठन गर्ने क्रम तिब्र रुपमा चलेको छ । सोहि क्रममा अविशेक यादवको अध्यक्षतामा अनेरास्ववियु महाराजगंज नगर कमिटि गठन गरिएको छ । २५ सदस्यीय नगर कमिटिको अध्यक्षमा उपाध्यक्ष शाजिदा खातुन, चाँदनी यादव, सचिवमा नारायण चौधरी, सह सचिवमा बिरेन्द्र कुर्मी, सत्यवती कशौधन, रीता कुर्मी, कोषाध्यक्ष दिपेन्द्र कुमार कुर्मी लगायत अन्य सदस्यमा रहनुभएको छ ।
कार्यक्रमका प्रमुख अतिथि अनेरास्ववियु केन्द्रिय कमिटि राष्ट्रिय परिषद सदस्य अन्जित खनालले सम्पुर्ण विद्यार्थी संगठित भई अनेरास्ववियुलाई बलियो बनाएमा पार्टी पनि मजबुत हुने बताउनुभयो । उहाँले सम्पुर्ण विद्यार्थीहरुको साझा संगठन अनेरास्ववियु भएकाले जोडिन सम्पुर्णलाई आग्रह गर्नुभयो ।
अभिषेकमणी यादवको अध्यक्षता, अनेरास्ववियु केन्द्रिय कमिटि राष्ट्रिय परिषद सदस्य रतन विकको विशिष्ट आतिथ्यता, युवासंघ नगर कमिटि अध्यक्ष दिपक सुवेदी लगायतको आतिथ्यता रहेको थियो नगर उपाध्यक्ष अतहर खाँनको सञ्चालनमा सम्पन्न भएको थियो ।
