लुदअ कपिलवस्तु, माघ २८
कपिलवस्तु उद्योग वाणिज्य संघको ७ औँ अधिवेशनबाट नयाँ कार्यसमिति चयनका लागि सम्पन्न चुनावको नतिजा सार्वजनिक भएको छ । मंगलबार सम्पन्न चुनावको नतिजा अनुसार वाणिज्य संघको अध्यक्षमा डोलकराम घिमिरेले विजय प्राप्त गरेका छन् । घिमिरेले ७६९ मतले विजय हासिल गरेका छन् भने प्रतिस्पधी टोपनारायण बेल्वासेको ७१९ मत आएको छ । घिमिरे प्रतिद्धन्दी प्रगतीशिल प्यानलका उमेद्धवार टोपनारायण बेल्वासेसंग ५० मतले विजयी भएका हुन् ।
वरिष्ठ उपाध्यक्ष तर्फ छविलाल रेश्मी ७५७ मतले विजयी भएका छन् प्रतिस्पधी लक्ष्मण अधिकारीको ६८० मत आएको छ । उद्योग उपाध्यक्ष तर्फ तुल्सीराम घिमिरे बिजय भएका छन् घिमिरेले ७५२ मत ल्याएका थिए भने प्रतिस्पधी कृष्ण सापकोटाको ६९९ मत आएको छ । यस्तै वाणिज्य उपाध्यक्ष तर्फ खुमानन्द घिमिरे बिजयी भएका छन् घिमिरेको ७९६ मत आएको छ भने प्रतिस्पधी कृष्ण प्रसाद गैरेको ६४६ मत आएको छ ।
यस्तै महासचिवतर्फ मनोज पौडेल बिजयी भएका छन् । पौडेलको ८१० मत आउदा प्रतिस्पधी कुशल पौडेलको भने ६३२ मत आएको छ । त्यस्तै कोषाध्यक्ष तर्फ बिनोद कुमार पन्थ बिजयी भएका छन् पन्थको ७८४ मत आएको छ भने प्रतिस्पर्धी मनोहर योगीको ६५५ मत आएको छ । सचिव तर्फ (खिमानन्द) कोपिल पौडल बिजयी भएका छन् शंकर प्रसाद न्यौपानेको ६९९ मत आउदा प्रतिस्पर्धी पौडेलको भने ७२४ मत आएको छ ।
त्यस्तै सह कोषाध्यक्षतर्फ यम बहादुर के.सी ७६४ मत, सिराज अहमत ६४५ मत आएको छ भने ११९ मतले के.सी बिजयी भएका छन् । महिला सदस्य उधोग तर्फ गितादेवि पौडेल विजयी भएकी छन् पौडेलको ८२५ मत आएको छ भने प्रतिस्प्रधि विमला श्रेष्ठले ५९५ मत ल्याएकी छन् । महिला सदस्य वाणिज्य तर्फ मीना पोख्रेल पौडेलले ८४८, गितादेवि तिमिल्सिना ५६५ मत ल्याएकी छन् ।
महिला सदस्य कृर्षि उद्यम तर्फ लक्ष्मी थारु विजय भएकी छन् थारुले ७४७ मत, निर्मला अधिकारी पाण्डे ६९१ ल्याएकी छन् । त्यस्तै वस्तुगत सदस्य तर्फ यमलाल पोख्रेल, ज्ञान बहादुर थापा, सुरेन्द्र कुमार पाण्डे, गिरी राज पौडेल, राजेन्द्र विक्रम शाह, विकास न्यौपाने, क्षेत्रगत सदस्यतर्फ ओदारीबाट बसन्त कंंडेल निर्विरोध चयन भएका छन् । विजयी मध्ये वरिष्ठ उपाध्यक्ष, सचिव र सहकोषाध्यक्ष बेल्वासे प्यानलका हुन् भने बाँकी सबै घिमिरे प्यानलका रहेका छन् ।
जीतपछि प्रतिक्रिया दिदै नवनिर्वाचित अध्यक्ष डोलकराम घिमिरेले आफुलाई मतदान गर्ने सम्पूर्ण मतदातालाई धन्यवाद दिदैँ अब उद्योग वाणिज्य संघको हकहितका लागि निरन्तर खट्ने बताएका छन् । जितपछि सम्पूर्ण पदाधिकारीहरु गाडी लिएर र्यालिमा निस्किएका थिए ।
