हरि आचार्य कपिलवस्तु, फागुन ७
आज राष्ट्रिय प्रजातन्त्र दिवस, २००७ सालको फागुन ७ गते एकतन्त्रीय जहानियाँ राणा शासन अन्त्य भइ प्रजातन्त्र स्थापना भएको सम्झनामा यो दिवस मनाउन थालिएको हो । दिवसको अवसरमा वाणगंगा वेलफेयर सोसाईटिले झण्डोत्तोलन गरेको छ ।
आजको दिन परिवर्तनको दिन भएकाले चार नम्बर जितपुर चोकमा देशको राष्ट्रिय झण्डा राखिएको सोसाईटिका अध्यक्ष राजकुमार खाँणले जानकारी दिएका छन् ।
विगत देखिनै विभिन्न सामाजिक कार्यमा सक्रिय रहदै आएको सोसाईटिले गर्वका साथ सुर्य चन्द्रमा अङ्कित देशको राष्ट्रिय झण्डा राखेको हो । सो झण्डा कपिलवस्तु जिल्लाकै ठुलो रहेको सोसाईटिको दावि रहेको छ ।
सबै परिवर्तनको जग फागुन ७ गतेको प्रजातन्त्र दिवस भएकाले पनि यसलाई विशेषरुपमा मनाउने गरिएको छ ।
प्रकाशित : २०७७ फाल्गुन ७, शुक्रबार १४:४८
