हरि आचार्य, कपिलबस्तु

१ सय ११ औँ अन्तराष्ट्रिय नारी दिवसको पुर्व सन्ध्यामा कपिलवस्तुमा अन्तरक्रिया गरिएको छ । जिल्लाको सदरमुकाम तौलिहवामा महिलाको सुरक्षा, सम्मान र रोजगारः संमृद्ध नेपालको आधार भन्ने मुल नाराका साथ अन्तरक्रिया कार्यक्रम गरिएको हो । कपिलवस्तु नगरपालिकको सभाहलमा सम्पन्न कार्यक्रममा जिल्ला समन्वय समिति कपिलवस्तुको आयोजना, जिल्लाका १० वटै स्थानीय तहको सह आयोजना तथा ईन्सेक कपिलवस्तु लगायत विभिन्न डेढ दर्जन बढी संघ संस्थाहरुको समन्वय रहेको थियो ।

अन्तरक्रिया कार्यत्रक्रममा १० स्थानियतहबाट निती तथा कार्यक्रमहरु प्रस्तुत गर्नकालागि जानकारी गराएको भएता पनि ६ वटा पालिकाहहरुको मात्र कार्यक्रममा सहभागिता रहेको थियो । जस मध्ये कपिलबस्तु नगरपालिका, बाणगंगा, मायादेबी गाउँपालिका, शुद्धोधन गाउँपालिका, कृष्णनगर नगरपालिका र महाराजगंज नगरपालिकाले मात्र स्थानीय तहबाट महिलाहरुको सुरक्षा, सम्मान र रोजगारकालागि पालिकाहरुले गरेका नितीगत र बजेटको अवस्थाबारे जानकारी गराईएको थियो ।

यस्तै समग्र जिल्लाको अवस्थाको बारेमा गैसस महासंघका प्रतिनिधि शुसिला बेल्बासेले प्रस्तुत गरेकी थिईन् । नारी दिवस कसरी मनाउने भन्ने बिषयमा तयारी गरेको छ भन्ने बारे जानकारी गराईएको थियो । त्यस्तै महिला तथा वालवालिका शाखाका कर्मचारीले शाखाले गरेका बार्षिक प्रतिबेदन प्रस्तुत गरेका थिए ।

कार्यक्रमलाई सम्बोधन गर्दै लुम्बिनी प्रदेश संसाद रीना नेपालले नारी दिवसमा मात्रै महिला अधिकारको कुरा नगरि बर्षभरी गर्नुपर्नेमा जोड दिईन् । सबै स्थानीय तहले आ आफ्नो तथ्यांक प्रस्तुत गर्नु संघीयता कार्यान्वयनको सफल पक्ष रहेको बताईन् । उनले महिलाहरुलाई सीप मुलक तथा आयआर्जनका लागि विभिन्न तालिमहरु दिए पनि अझै पनि उनीहरुलाई आत्मनिर्भर बनाउन नसकेको भन्दै नतिजामुखी तालिम हुनुपर्नेमा जोड दिईन् । नेपालले स्थानीय तहको निति तथा कार्र्यक्रम निर्माण गर्दा अब समावेशी खालको बजेट विनियोजन गर्न आवश्यक रहेको बताईन् । उनले समावेशीका आधारमा महिलाहरु पहिलेको तुलनामा नेतृत्वमा आए पनि निर्णायककताको रुपमा अझै अगाडि आउन नसकेकोले त्यस तर्फ ध्यान दिन आवश्यक रहेको बताईन् ।

विशिष्ट अतिथि जिल्ला समन्वय समितिका प्रमुख नारायण खनाल, कपिलबस्तु नगरपालिकाका सामाजिक सल्लाहकार सुरेन्द्रराज लम्साल, युएनएफपीएका जिल्ला संयोजक चित्र महतो, मानव अधिकार निगरानी समूहकी जिल्ला संयोजक पुष्पा रेग्मी लगायतले मन्तब्य राख्दै महिलाहरु राजनितिक, सामाजिक र आर्थिक पक्षमा सवल हुनुपर्नेमा जोड दिएका थिए ।

समन्वय समितिका उप प्रमुख तारावती चौधरीको अध्यक्षता, ६ स्थानीय तहका उप प्रमुख, महिला तथा वालवालिका शाखा प्रतिनिधी, सञ्चारकर्मीहरुको उपस्तिथी रहेको कार्यक्रम समन्वय समितिका नासु कमला पौडेलको स्वागत मन्तब्य तथा मुख्य मन्त्री ग्रामिण विकास कार्यक्रमका सहजकर्ता रुकैया खातुनको सञ्चालनमा सम्पन्न भएको थियो ।