बुटवल २०६६ फागुन २८ । नेकपा ९माओवादी केन्द्रका० का अध्यक्ष तथा पूर्व प्रधानमन्त्री पुष्पकमल दाहाल प्रचण्डले आन्दोलन गर्ने तयारीमा थालेको बताएका छन् । संविधान रक्षाका लागि फेरी अर्को क्रान्तिको आवश्यकता जनाउदै उनले सडक आन्दोलनमा जाने तयारीमा रहेको बताएका हुन् ।
राष्ट्रिय दलित पत्रकार संघको आजदेखि बुटवलमा सुरु भएको प्रथम अधिवेशन तथा भेलामा बोल्दै प्रचण्डले अर्को आन्दोलनको अधिवेहरी सिर्जना गर्ने बताएका हुन् । अब हुने आन्दोलन शान्तिपूर्ण हुने बताउँदै उनले सडक आन्दोलनका लागि तयार रहन आग्रह गरेका हुन् । वर्तमान राजनीतिक जटिल परिस्थितीमा आएको बताउँदै प्रचण्डले संविधानको रक्षा गर्ने कि हत्या गर्ने भन्ने विषयमा ठूलो बहस चलिरहेको बताए । अध्यक्ष प्रचण्डले आफूमाथि घेराबन्दी सुरु भएको समेत दाबी गरेका छन् । वृस्तित शान्ति सम्झौता र १२ बुँदे सहमतीको साक्षी पात्र भएकोहुँदा आफूमाथि घेराबन्दी सुरु हुन थालेको महशुस भइरहेको उनले बताए ।
मुलुकमा केही अनिष्ट हुने संकेत आइरहेको बताउँदै उनले केही शक्तिहरु परिवर्तनलाई उल्ट्याई छाड्ने कसरतमा लागिरहेको आरोप लगाए । अध्यक्ष प्रचण्डले भने ‘देशमा केही अनिष्ट हुँदै छ, हेर्दै जाउँ अझै के–के अस्वभाविक घटनाहरु देख्नुपर्ने हो ।’ विगतमा दलित तथा उत्पिडित वर्गहरुलाई साथमा लिएर आन्दोलनगर्दा प्राप्त उपलब्धिहरु गुम्न नदिन फेरी एकपटक आन्दोलनका लागि तयारी अवस्थामा रहन उनले आग्रह गरे । कार्यक्रममा बोल्दै पूर्वमन्त्री तथा नेपाली कांग्रेसका प्रमुख सचेतक बालकृष्ण खाँणले वर्तमान सरकारले संविधानमाथि प्रहार गरिरहेको आरोप लगाए । प्रधानमन्त्री केपी शर्माओली नेतृत्वको सरकार गठन भएसँगै संविधानमा प्रहार गर्ने काम सुरु भएको उनको आरोप छ । दलित पत्रकारहरुको प्रथम अधिवेशनमा देशभरबाट उपस्थित प्रतिनिधिहरुका बीच बोल्दै नेता खाँणले सरकाले ल्याएको मिडिया विधेयक प्रेस स्वतन्त्रता र संविधानको विरुद्ध भएको बताए ।
सरकारले एकपछि अर्को संविधान विरोधी विधेयकहरु ल्याउने गरेको आरोप लगाउँदै उनले मुलुकमा प्राप्त उपलब्धिहरु खतरामा रहेको बताए । संविधान कसैले च्यात्न खोज्छ भने त्यो शक्ति आफै च्यातिएर जाने बताउँदै उनले संविधान रक्षाका लागि नेपाली कांग्रेस सधै तयार रहने उल्लेख गरे ।
राष्ट्रिय दलित पत्रकार संघका केन्द्रिय अध्यक्ष विनोद पहाडीको अध्यक्षतामा भएको प्रथम राष्ट्रिय अधिवेशनको अवसरमा दलित आन्दोलनमा महत्वपूर्ण भूमिका निर्वाह गर्ने व्यक्तिहरुको स्मृतिमा स्थापित पत्रकारिता पुरस्कार समेत वितरण गरिएको छ । देशभरका २ हजार बढी दलित पत्रकारहरुको प्रतिनिधित्व गर्दै बुटवलमा सहभागी ४ सय प्रतिनिधिहरुले आगामी कार्यकालका लागि नेतृत्व चयन गर्ने छ ।