काठमाडौं २०७७ चैत्र ६
महान्यायाधिवक्ता अग्नी खरेलले राजिनामा दिएसँगै अधिवक्ता रमेश बडाल महान्यायाधिवक्ता नियुक्त भएका छन् । महान्यायाधिवक्ता सरकारको मुख्य कानुनी सल्लाहकारको रुपमा काम गर्नेछन् । प्रधानमन्त्री केपी ओलीले महान्यायाधिवक्ता अग्निप्रसाद खरेलले राजीनामा दिए लगत्तै अधिवक्ता बडाललाई नियुक्तिको सिफारिस गरेका हुन् ।
प्रधानमन्त्रीको सिफारिसमा राष्ट्रपतिले महान्यायाधिवक्ता नियुक्त गर्ने संवैधानिक व्यवस्था रहेको छ । प्रधानमन्त्रीको सिफारिस अनुसार राष्ट्रपति विद्यादेवी भण्डारीले बडाललाई महान्यायाधिवक्ता नियुक्त गरेकी हुन् ।
अधिवक्ता बडाल नेपाल नेपाल बार एसोसिएसनको उपाध्यक्षमा पराजित भएका उम्मेदवार हुन् । श्रमका मुद्धामा धेरै वकालत गरेका बडालले प्रतिनिधिसभा विघटनको मुद्धाको पक्षमा बहस गरेका थिए ।