काठमाडौं २०७७ चैत्र ११
प्रदेश १ का मुख्यमन्त्री शेरधन राई विरुद्ध अविश्वासको प्रस्ताव पिर्ता गर्न एक हप्ते अल्टिमेटम दिइएको छ । मुख्यमन्त्री राई विरुद्ध अविश्वासको प्रस्ताव हस्ताक्षर गर्ने आफ्ना सांसदलाई ७ दिनभित्र हस्ताक्षर फिर्ता गर्न एमाले संसदीय दलले निर्देशन दिएको हो । बुधबार बसेको दल बैठकले मुख्यमन्त्री राई विरुद्धको अविश्वासको प्रस्ताव फिर्ता लिन निर्देशन दिएको हो। सर्वोच्च अदालतले नेकपा एमाले र माओवादी केन्द्र दुबैलाई व्यूँत्याइदिएपछि पहिलोपटक बसेको दल बैठकले यस्तो निर्णय गरेको हो।
बैठकले संसदीय दलको विधान समेत पारित गर्नुका साथै संसदीय बोर्ड समेत गठन गरेको छ। यस्तै अविश्वासको प्रस्तावमा हस्ताक्षर गर्ने प्रदेश सदस्यलाई ७ दिनभित्र हस्ताक्षर फिर्ता लिन निर्देशन समेत दिएको छ।
बैठकमा अविश्वासको प्रस्तावमा हस्ताक्षर गर्ने माधवकुमार नेपाल पक्षका प्रदेशसभा सदस्य र माओवादी तर्फका प्रदेश सभा सदस्य सहभागी थिए। गत पौष १२ गते मुख्यमन्त्री राई विरुद्ध अविश्वासको प्रस्ताव प्रदेशसभामा दर्ता गरिएको थियो। प्रदेशसभामा एमालेको तर्फबाट ५१ जना सदस्य रहेका छन्।