चैत्र १२, भैरहवा
निर्माणाधीन गौतम बुद्ध अन्तर्राष्ट्रिय विमानस्थल आयोजनामा रोकिएका उपकरण जडानको काम बल्ल चलिरहेको छ । कोभिड–१९ संक्रमण सुरु भएपछि विदेशी विशेषज्ञसहितका प्राविधिक आउन नसक्दा उपकरण जडान एक वर्षभन्दा लामो समयदेखि रोकिएको थियो । आयोजनाको भौतिक संरचना निर्माणअन्तर्गत आईसीबी वान र मौसम, सञ्चार र विमानको दिशा पत्ता लगाउनेलगायत आईसीबी टूतर्फका उपकरण जडानले तीव्रता पाएको छ ।
आयोजनास्थलमा अमेरिकी, अस्ट्रिया र चिनियाँ विशेषज्ञ प्राविधिक उपकरण जडानमा जुटेका छन् । आयोजनास्थलमा तीन सातायता विदेशी प्राविधिक टोली आउन थालेपछि उपकरण जडानले तीव्रता पाएको आयोजना प्रमुख प्रवेश अधिकारीले बताए ।
कोभिडका कारण यसअघि तेस्रो मुलुकका प्राविधिक आयोजनास्थलमा आउन नसक्दा स्थानीय र भारतीय प्राविधिकको परिचालन गरिनाले उपकरण जडानको काम छिटो र सहज भएको छ ।
प्रकाशित : २०७७ चैत्र १२, बिहीबार १९:३१
