पेट्रोलियम पदार्थको मूल्य वृद्धि विरुद्ध अनेरास्ववियुले गर्यो आयल निगम घेराउ

[sharethis-inline-buttons]

 

काठमाडौं, चैत २३

नेपाल आयल निगमले केही समययता निरन्तर पेट्रोलियम पदार्थको मूल्य बढाएपछि घेराउमा परेको छ । विद्यार्थी संगठन अनेरास्ववियुले मुल्य अभिवृद्धिको बिरोध गर्दै आयल नियमलाइ घेराउ गरेको हो ।
निगमले आइतबार राति १२ बजेदेखि लागू हुनेगरी पेट्रोल, डिजेल र मट्टितेलमा प्रतिलिटर दुई रुपैयाँका दरले मूल्य बढाएको हो।मूल्य वृद्धिसँगै पेट्रोलको मूल्य प्रतिलिटर १ सय २० रुपैयाँ पुगेको छ भने डिजेल र मट्टितेलको १ सय ३ रुपैया पुगेको छ। इण्डियन आयल कर्पोरेसनले मूल्य बढाएर पठाएको सूचना अनुसार नेपालमा मूल्य वृद्धि गरिएको निगमको भनाइ छ।
निगमले एकातर्फ नियमित मूल्यवृद्धि गरिरहेको छ भने अर्कोतर्फ निगम घाटामा रहेको पनि बताइरहेको छ। यति नै बेला अन्तर्राष्ट्रिय बजारमा भने पेट्रोलियम पदार्थको भाउ घटेको छ।

नेकपा–एमालेको माधवकुमार नेपाल पक्षीय अखिल नेपाल राष्ट्रिय स्वतन्त्र विद्यार्थी युनियन अनेरास्ववियुले सोमबार मूल्यवृद्धिविरुद्ध आयल निगमको बबरमहलस्थित केन्द्रीय कार्यालय घेराउ गरेको छ।


प्रकाशित : २०७७ चैत्र २३, सोमबार ०८:०९