सदन प्रभाव विहीन हुनुमा सभामुख सापकोटा दोषी : एमाले

ByLumbini Darpan Online

२६ चैत्र २०७७, बिहीबार ०९:४२ २६ चैत्र २०७७, बिहीबार ०९:४२ २६ चैत्र २०७७, बिहीबार ०९:४२

 

काठमाडौँ
नेकपा एमालेले सदन निष्प्रभावी हुनुमा सभामुख अग्नि सापकोटा समेत दोषी रहेको आरोप लगाएको छ । बिहीबार प्रतिनिधिसभा बैठकमा बोल्दै एमालेका सांसदहरूले सरकारले बिजनेस नदिएर सदन निष्प्रभावी बनाएको आरोपको खण्डन गरेका हुन् ।

सभामुखले सरकारसँग समन्वय नगरेकाले सदन प्रभावकारी हुन नसकेको सांसद लालबाबु पण्डित र खगराज अधिकारीको तर्क थियो । संसदमा समय लिएर बोल्दै सांसद खगराज अधिकारीले दलीय प्रतिनिधित्व अनुसार संसदीय समितिमा सदस्य हेरफेर नगराउँदा कामकारबाहीमा समस्या उत्पन्न भएको बताए ।

संसदमा एमाले र माओवादी केन्द्र हुने तर संसदीय समितिमा नेकपा भइरहन संवैधानिक र कानुनी हिसाबले नमिल्ने उनको भनाइ छ । दलीय प्रतिनिधित्व अनुसार संसदका समितिमा सदस्य हुनुपर्ने भन्दै सचेतकले पठाएको सूची पढ्न उनले सभामुखलाई अनुरोध गरे ।

ुसंसदीय व्यवस्था र अनुभवअनुसार समितिको प्रतिनिधित्व दलको शक्तिका आधारमा, त्यसका आधारमा अनुपातमा प्रतिनिधित्व गर्दै आएका छौँ । निर्वाचन भयो अहिले दुई पार्टी भइसक्यौँ । नेकपा एमाले संसदीय समितिमा एमाले भएर बस्न पाइरहेका छैनौँ । कानुनविपरीत भएर बस्न चाहँदैनौँ,ु उनले भने ।

२३ फागुनको अदालतको फैसलापछि नेकपा नरहेकाले असंवैधानिक कामको साक्षी एमाले हुन नचाहने तर्क उनको थियो ।
यस्तै, सांसद लालबाबु पण्डितले सभामुख सापकोटाले सरकारसँग समन्वय नगरेको आरोप लगाए । पण्डितले सभामुखले सरकारसँग समन्वय नगर्दा संसदीय व्यवस्थामाथि नै प्रश्न उठेको बताए ।

सरकारले ल्याएका विधेयकहरू संसदमा पेस नगरिएको उनको भनाइ थियो । ुसभामुखज्यू, यदि संसदीय व्यवस्थामाथि प्रश्न उठ्छ भने त्यतिबेला पदाधिकारीमाथि पनि प्रश्न उठ्छ । सरकारसँग समन्वय गर्ने काम गर्नुपर्‍यो,ु उनले भने ।

सरकारलाई मात्रै दोष दिएर सभामुख उम्किन नमिल्ने भन्दै उनले सन्धिसम्झौता, विधेयक र जनताका समस्यासँग जोडिएका विशेष प्रस्ताव अघि बढाउन सभामुखको ध्यानाकर्षण गराएका थिए

Facebook Comments Box

Leave a Reply

Your email address will not be published. Required fields are marked *