प्रचण्ड कसैले विश्वास गर्न लायक रहेनन : मन्त्री रायमाझी

ByLumbini Darpan Online

३१ चैत्र २०७७, मंगलवार ११:३८ ३१ चैत्र २०७७, मंगलवार ११:३८ ३१ चैत्र २०७७, मंगलवार ११:३८

 

बुटवल चैत ३१
उर्जा,जलस्रोत तथा सिंचाइ मन्त्री टोपबहादुर रायमाझीले नेकपा माओवादी केन्द्रका अध्यक्ष पुष्पकमल दाहाल कसैले बिश्वस गर्न लायक नभएको जनाएका छन । प्रचण्डको प्रधानमन्त्री हुने चाहाना कसैले नपत्याएपछि चक्नाचुर भयो अव कसैले बिश्वास गरेर उनलाई प्रधानमन्त्री बनाउने अवस्था छैन प्रेस चौतारी अर्घाखांचीले आयोजना गरेको पत्रकार सम्मेलनमा मन्त्री रायमाझीले भने ।
माओवादी अध्यक्ष प्रचण्डको प्रधानमन्त्री हुने तिब्र चाहना अरु दलले नपत्याए पछि चक्नाचुर भएको भन्दै रायमाझीले प्रचण्डले मिलिजुली सरकार बनाऔं भन्दा पनि अरु दलले बेवास्ता गरेकोकुरा व्यक्त गरे ।
प्रधानमन्त्रीको ताजा जनादेशमा जाने कुरालाई निरंकुश र अलोकतान्त्रिक भन्ने दलहरूले अहिले पछुतो मान्दै गएको बताउदै रायमाझीले नेपाली कांग्रेस,माओवादी र जसपा मिलेर सरकार बनाउने कुरा असम्भव भएकोले वर्तमान सरकारले नै निर्वाचन गराउने कुरामा जोड गरे ।
नेकपा एमालेका नेता समेत रहनुभएका रायमाझीले आफुले व्यक्तिगत स्वार्थलाई कहिल्यै नहेर्ने भन्दै राष्ट्र ,राष्ट्रियता ,बिकास र समृद्धिको निम्ति जस्तोसुकै मूल्य चुकाउन तयार रहेको बताए ।

प्रचण्ड प्रति कसैको बिश्वास छैन त्यसैले प्रचण्डले मिलीजुली सरकार बनाऔं भनेर प्रस्ताव राख्दा समेत कसैले पत्याएन उनले भने । प्रचण्ड कसैले बिश्वास गर्न लायक रहेनन् उनले थपे ।
वर्तमान सरकारकै बिरुद्धमा लागेको माओवादी केन्द्रले सरकारलाई दिएको समर्थन समेत फिर्ता लिन नखोज्नु सरकार निरन्तरताको निम्ति बलियो प्रमाण हो प्रेस चौतारी अर्घाखाँचीले आयोजना गरेको पत्रकार सम्मेलनमा मन्त्री रायमाझीले भने ।

Facebook Comments Box

Leave a Reply

Your email address will not be published. Required fields are marked *