बैशाख ३

संक्रमण बढेपछि नेपालगन्जका विद्यालय एक साताका लागि  नेपालगन्ज उपमहानगरपालिकाले निर्णय गरेको छ।पछिल्लो समय नेपालमा कोरोना संक्रमितको संख्या तिव्र रुपमा बढिरहेको छ र कोरोना संक्रमणबाट ज्यान जाने संख्या पनि दिनहु बढिरहेको छ । कोरोना संक्रमण दर दिनहु बढ्न थालेपछि सरकारले कोरोना बढि संख्यामा देखिएका देशका १४ ओटा जिल्लाका बढि भिडभाड हुने ठाउँमा बन्द गर्न अनुरोध पनि गरेको छ । कोरोना संक्रमण दर बढ्न थालेपछि नेपालगन्ज उपमहानगरपालिकाले आगामी आइतबारदेखि एक साताका लागि विद्यालय बन्द गर्ने निर्णय गरेको हो । बिहीबार बसेको विपद् व्यवस्थापन समितिको बैठकले यस्तो निर्णय गरेको हो । नेपालगन्ज उपहानगरकी उपप्रमुख उमा थापामगरले आइतबारदेखि एक साताका लागि विद्यालय बन्द गर्ने निर्णय भएको जानकारी दिइन ।

जिल्लाका सरकारी तथा संस्थागत स्कुल निर्बाध रूपमा सञ्चालन भएपछि बन्द गर्न चौतर्फी रूपमा दबाब बढेको थियो ।भेरी अस्पतालका अनुसार कोरोना भाइरसका नयाँ संक्रमितमा धेरैजसो शिक्षक, विद्यार्थी र अभिभावक छन् ।’ पछिल्लोपटक नेपालगन्जमा शिक्षक र विद्यार्थी गरी १४ जनामा कोरोना संक्रमण पुष्टि भएको छ ।
उपमहानगरका शिक्षा प्रमुख गोरखबहादुर थापाका अनुसार स्थानीय धम्बोझी माविका २ शिक्षक र २ विद्यार्थी, मंगलप्रसाद माविका २ जना, सेन्ट थोमस बोर्डिङ स्कुलका ३ जना, वाटरपार्क, महेन्द्र र आदर्श माविका एकरएकजना शिक्षक, आदर्श मावि र सनविम माविका एकरएक विद्यार्थीमा कोरोना पुष्टि भएको छ ।

‘कतिपय विद्यालयले स्वास्थ्य मापदण्ड पालना गरे पनि धेरैजसोले पालना गरेको पाइँदैन,’ जिल्ला कोभिड संकट व्यवस्थापन केन्द्रका फोकल पर्सन तेज ओलीले भने, ‘कोरोना भाइरसका नयाँ संक्रमित विद्यालयबाटै फेला परिरहेका छन् ।