काठमाडौं, बैशाख १२

काठमाडौं जिल्ला प्रशासन कार्यालय एक साताका लागि बन्द भएको छ ।कार्यालयमा केही कर्मचारीमा कोरोना संक्रमण देखिएपछि कार्यलय बन्द गरिएको हो ।
आइतबार काठमाडौंका प्रमुख जिल्ला अधिकारी सीडीओ कालीप्रसाद पराजुलीले सूचना सार्वजनिक गर्दै सोमबारदेखि वैशाख २० गतेसम्म अत्यावश्यक कामबाहेक सेवा बन्द भएको बताएका हुन। पराजुलीका अनुसार अब शान्ति सुरक्षासँग सम्बन्धित निवेदन, मुद्दासँग सम्बन्धित कार्य र अन्य अत्यावश्यक सिफारिसबाहेक अन्य काम हुने छैनन् । तत्कालका लागि नयाँ नागरिकता, नागरिकता प्रतिलिपी, नाबालिक परिचयपत्र, राहदानी वितरण तथा सिफारिस, हातहतियार दार्ता र नवीकरण, संस्था दर्ता तथा नवीकरण र पत्रपत्रिका दर्ताको काम हुने छैन ।