लुदअ, कपिलवस्तु
नेकपा एमाले वाणगंगा नगरपालिकाको वडा कमिटिले संगठन विस्तारको अभियानलाई तिव्रता दिएको छ । एमाले वाणगंगा नगरपालिका वडा नम्बर १ को वडा कमिटीले विभिन्न टोलमा पुगेर एमालेको टोल कमिटी गठन गरेको हो । शिवरात्रीको अवसरमा वाणगंगाको वडा नम्बर १ अन्तरगत रहेका दुर्गा मन्दिर र मिलनटोलमा पार्टीको टोल कमिटीको संगठन निर्माण गरिएको वडा कमिटि अध्यक्ष गंगाकुमारी भट्टराईले जानकारी दिनुभयो ।
कार्यक्रममा नेकपा एमाले जिल्ला सचिवालय सदस्य तथा नगर इन्चार्ज शंकर पाण्डेले एमाले जनआधार भएको पार्टी भएकाले विकास निर्माणको नेतृत्व एमालेले मात्रै गर्नसक्ने बताउनुभयो । कार्यक्रमका प्रमुख अतिथी समेत रहनु भएका इन्चार्ज पाण्डेले बच्चा देखि बृद्धबृद्धासम्मको हेरचाह, सामाजिक सुरक्षा, आधारभूत स्वास्थ्य सेवा जस्ता महत्वपूर्ण कार्यक्रम एमालेको पालामा आएकाले जनताको लोकप्रिय पार्टी बन्न सफल भएको बताउनुभयो । उहाँले स्थानीय तहको निर्वाचनमा पार्टी कार्यकर्ता, सदस्य तथा शुभेच्छुक सवैलाई एकताबद्ध भएर एमालेका उम्मेदवारलाई जिताउन लाग्नुपर्ने बताउनुभयो ।
कार्यक्रममा जिल्ला सचिवालय सदस्य देवी बहादुर पोख्रेल, जिल्ला कमिटी सदस्यहरु अमित पौडेल, उमानाथ पौडेल, नगर सदस्य रामप्रसाद गैरै लगाएतले एमाले अनुशासित र व्यवस्थित पार्टी भएकाले जनताको जीवनस्तर उकास्ने काम एमाले एक्लैले गर्ने भएकाले पार्टीमा गोलबद्ध हुनुपर्ने बताउनुभयो ।
१५ सदस्यीय दुर्गा मन्दिर टोल कमिटिको अध्यक्षमा रामु पौडेल, उपाध्यक्षमा रेनु ओली, सचिवमा सरस्वती सापकोटा, उप सचिवमा रामप्रसाद भुसाल र विष्णु घिमिरे रहनुभएको छ भन्ने अन्य सदस्यमा रहनुभएको छ ।
त्यस्तै १९ सदस्यीय मिलन टोल कमिटिको अध्यक्षमा बुद्धबहादुर शाही, उपाध्यक्षमा कौशिला पाण्डे, सचिवमा धु्रव पन्थी, उपसचिवमा खिमा पोखरेल र शालिकराम गैरे रहनुभएको छ भने अन्य सदस्यहरुमा हुनुहुन्छ ।
