लुदअ, कपिलवस्तु
एमसीसी सम्झौता बिरुद्ध कपिलवस्तु जिल्लाका अखिल ( क्रान्तिकारी ) लगायत ३ बिद्यार्थी संगठनले कपिलवस्तुको पिपरामा बिरोध प्रदर्शन गरेका छ्न । बिरोध कार्यक्रम मा सम्बोधन गर्दै बिप्लव नेकपा निकट अखिल ( क्रान्तिकारी ) केन्द्रिय सदस्य तथा कपिलवस्तु इन्चार्ज बिज्ञान क्षेत्री ले केही मुठ्ठीभर साम्राज्यवादका दलालहरुले एमसीसी सदन बाट पास गरेपनी आम बिद्यार्थी, जनताले पास नगरेको र यसलाइ खारेज गर्नु पर्ने बताउनु भयो । क्षेत्रीले एमसीसी पास भए पनि आफुहरुले कार्यान्वयन गर्न नदिने बिषय राख्नु भयो । उनले एमसीसी बिरुद्ध सबै बिद्यार्थी, जनता एक भयर संघर्ष गर्नु बिकल्प नरहेको र निरन्तर आन्दोलन गरेर सडक बाटै खारेज गर्नुपर्ने धारणा व्यक्त गर्नु भयो ।
उक्त कार्यक्रमलाई सम्बोधन गर्दै अखिल छैठौं का लुम्बिनी प्रदेश सद्स्य बिमल खरेल ले एमसीसी का दलाहरुलाइ बहिस्कार गर्नुपर्ने बताउनु भयो । यसै गरि बैद्द निकट अखिल (क्रान्तिकारी) का जिल्ला संयोजक दिल बहादुर चुदाराले एमसीसी देश र जनताको हितमा नभएकोले खारेज गर्नु को बिकल्प नरहेको र आफुहरु निरन्तर संघर्ष गर्नु पर्ने बताउनु भयो । बिरोध कार्यक्रम अखिल (क्रान्तिकारी) जिल्ला कमिटी सद्स्य सपना खनालको सन्चालनमा भएको थियो ।
