हरि आचार्य, कपिलवस्तु
राष्ट्रिय युवा संघ नेपाल बाणगंगा नगर कमिटिको दोस्रो पुर्ण बैठक सम्पन्न भएको छ । बाणगंगा ७ बनगाई स्थित साथीभाई गार्डेन रिसोर्टमा सम्पन्न बैठकले विभिन्न महत्वपुर्ण निर्णयहरु गरेको छ । बैठकले आगामि चैत्र २ गते हुने राष्ट्रिय युवा संघ नेपाल कपिलवस्तुको अधिवेशनका लागि नगर कमिटिबाट ३ जना प्रतिनिधिको नाम टुंगो लगाईएको छ । जस अन्तर्गत दिपक जिसी, रमेश केसी र रीता थापालाई जिल्ला अधिवेशन प्रतिनिधिको रुपमा चयन गरिएको छ ।

साथै बैठकमा बधाई तथा शुभकामना अनुमोदन कार्य गर्नुका साथै संगठनका काम र समसामयीक राजनितिक परिवेशबारे समिक्षा गरिएको नगर कमिटि अध्यक्ष कमल क्षेत्रीले लुम्बिनी दर्पणलाई जानकारी दिनुभयो ।

बैठकका अध्यक्ष कमल क्षेत्री (IME) ले राजनीतिमा युवाहरुले नेतृत्व लिनुपर्ने समय आएकाले बैचारिक तथा सांगठनिक हिसावले पार्टीलाई अघि बढाउन युवाहरुको भूमिका अहंम हुने बताउनुभएको छ । नगर कमिटि अध्यक्ष क्षेत्रीले पार्टीका लागि युवा संघको अहम भुमिका रहेकाले सक्षम नेतृत्व आउन जरुरी रहेको भन्दै पार्टीलाइ बलियो बनाउने युवा संघ नै रहेको जिकिर गर्नुभयो । जिल्ला युवा सह–ईन्चार्ज समेत रहनभएका उहाँले राष्ट्रको समृद्धि, देशको विकास र सामाजिक न्यायका लागि नेकपा एमाले नै उत्तम विकल्प रहेको बताउनुभयो ।
साथै आउदै गरेको जिल्ला अधिवेशनलाई भब्य र सभ्य रुपमा सफल पार्नका लागि नगर कमिटि सक्रियताका साथ लाग्न आवश्यक रहेको बताउनुभयो । निश्पक्ष र सक्षम जिल्ला नेतृत्व चयन गर्नका लागि सहयोग गर्नुहुन सम्पुर्णलाई अनुरोध गर्नुभयो ।

नगर कमिटि अध्यक्ष कमल क्षेत्री (IME) को अध्यक्षता, जिल्ला युवा सह–ईन्चार्ज गोपाल मणि ज्ञवालीको प्रमुख आतिथ्यता, बाणगंगा नगर कमिटि उपाध्यक्ष मुक्त बहादुर कार्की, राष्ट्रिय युवा संघ नेपाल पुर्व जिल्ला उपाध्यक्ष जयलाल गिरीको विशिष्ट आतिथ्यता, नगर कमिटि उपाध्यक्ष कमल घिमिरेको स्वागत तथा सचिव तिलक गिरीको सञ्चालनमा सम्पन्न बैठकमा नगर कमिटिका पदाधिकारी तथा सदस्यहरुको उपस्थिती रहेको थियो ।