मोहन बेल्वासे
आसन्न स्थानीय तहको निर्वाचनमा कपिलवस्तुमा २७ दल दर्ता भएका छन् । राष्ट्रिय मान्यता प्राप्त ६ दल तथा निर्वाचन चिह्न प्राप्तिका लागि २१ दलले निवेदन दिएको जिल्ला निर्वाचन कार्यालयले जनाएको छ ।
दर्ता भएका राष्ट्रिय मान्यता प्राप्त दल नेकपा (एमाले), नेपाली कांग्रेस, नेकपा (माओवादी केन्द्र), नेकपा (एकीकृत समाजवादी) , जनता समाजवादी पार्टी नेपाल र लोसपा रहेका छन् । त्यस्तै अन्य २१ दलले निर्वाचन चिह्न प्राप्तिका लागि निवेदन दर्ता गरेको जिल्ला निर्वाचन अधिकारी ज्ञानुराम पंन्थीले जानकारी दिए।
निर्वाचन आयोगमा ७९ दल दर्ता भएका छन् । कपिलवस्तुमा दर्ता भएका २७ दलबाहेक अन्य दलले उमेदवारी दर्ता गर्न चाहे स्वतन्त्ररुपमा उठ्नुपर्ने पंन्थीले बताए । निर्वाचन कार्यतालिका अनुसार आउँदो वैशाख ८ अगावै सदरमुकाम तौलिहवामा मुख्य निर्वाचन अधिकृतको कार्यालय तथा ८ गते स्थानीय तहमा निर्वाचन कार्यालय स्थापना गरिने पंन्थीले बताए । आयोगले वैशाख ११ र १२ गते स्थानीय तह निर्वाचनको उम्मेदवारी दर्ताको समयसीमा तोकेको छ ।
२०७९ को निर्वाचनमा कपिलवस्तुमा मा ३ लाख ७३ हजार १ सय मतदाता रहेका छन् । यसमध्ये १ लाख ७३ हजार ८ सय ११ पुरुष, १ लाख ९९ हजार २ सय ८७ महिला र अन्य दुईले मतदानमा भाग लिन पाउने जिल्ला निर्वाचन कार्यालयले जनाएको छ ।
निर्वाचनका लागि जिल्लामा २३५ मतदानस्थल र ४६८ मतदान केन्द्र व्यवस्थित गर्ने जनाईएको छ । जिल्लामा ६ नगरपालिका र ४ गाउँपालिका छन् । यता जिल्लाकै अग्रिण मानिदै आएको बाणगंगा नगरपालिकामा महिला मतदाता संख्या बढी रहेको छ । अन्य नगर तथा गाउँपालिकामा पुरुषमो संख्या बढी हुदाँ बाणगंगामा मात्र महिलाको संख्या बढी देखिएको हो । २९ हजार ३ सय ४ पुरुष मतदाता रहेको बाणगंगा नगरमा ३१ हजार ८ सय ७१ महिला मतदाता रहेको निर्वाचन आयोगको तथ्याङ्कमा उल्लेख छ । ६१ हजार १७७ मतदाता रहेको बाणगंगा नगरमा ३० मतदानस्थल र ७५ मतदान केन्द्र तोकिएको छ । त्यसैगरि ४५ हजार ३४१ मतदाता रहेको बुद्धभुमि नगरमा ३० मतदानस्थल र ५७ वटा मतदान केन्द्र, ४७ हजार ८० मतदाता रहेको कपिलवस्तु नगरमा ३१ मतदानस्थल र ५९ मतदान केन्द्र, ३६ हजार ८ सय ८३ मतदाता रहेको कृष्णनगर नगरपालिकामा २४ वटा मतदानस्थल र ४८ वटा मतदान केन्द्र , ३२ हजार ३ सय २१ मतदाता रहेको महाराजगंन्जमा २३ मतदान स्थल र ४१ मतदान केन्द्र ,४४ हजार ४ सय ५८ मतदाता रहेको शिवराज नगरमा २५ मतदान स्थल र ५५ मतदान केन्द्र तोकिएको कार्यालयले जनाएको छ ।
यस्तै ३१ हजार १६मतदाता रहेको मायादेवी गाउँपालिकामा २२ मतदानस्थल र ३९ वटा मतदान केन्द्र, २३ हजार २४७ मतदाता रहेको यशोधरा गाउँपालिकामा १५ मतदानस्थलमा २९ मतदान केन्द्र तथा २३ हजार ८०२ मतदाता रहेको विजयनगर गाउँपालिकामा १८ मतदानस्थल र ३० वटा मतदान केन्द्र र २७ हजार ७ सय ७५ मतदाता रहेको १७ मतदानस्थल र ३५ मतदान केन्द्र , २७ हजार ७ सय ७५ मतदाता रहेको शुद्धोधन गाउँपालिकामा १७ मतदान स्थल, र ३५ मतदान केन्द्र व्यवस्थित गर्ने जनाइएको छ ।
