पाल्पाको रामपुरमा हिजो साँझ जना जीप दुर्घटना हुँदा चार घाइते भएका छन् । घाइतेमध्ये तीन जनाको अवस्था गम्भीर रहेको प्रहरीले बताए ।
रामपुर नगरपालिकाको वडा नं. २ बटरामा भलायटारबाट स्याउली बजारतार्फ जाँदै गरेको लु १ ग ५७०९ नं.को जीप दुर्घटना भएको प्रहरीले बताए ।
दुर्घटनामा परी जीपका चालक रामपुर १ स्याउली बजारको २८ वर्षिय सन्जु श्रेष्ट , सोही स्थानको २५ वर्षिय मनोज सिग्देल, ३५ बर्षिय सुर्य श्रेष्ट तथा स्याङ्जाको वालिङ ६का २२ वर्षिय मनोज क्षेत्री रहेको प्रहरीले बताए ।
घाइतेमध्ये तीन जनाको अवस्था गम्भीर रहेको हुँदा प्राथमिक उपचार पश्चात पोखरास्थित मणिपाल अस्पताल रेफर गरिएको र सुर्य श्रेष्टको रामपुर अस्पतालमा उपचार भइरहेको जिल्ला प्रहरी कार्यलय पाल्पाका सुचना अधिकारी लक्ष्मण मचभैंयो बताए । जीप कालीगण्डकी करीडोरबाट झण्झै सय मिटर तल खसेर दुर्घटनाग्रस्त भएको थियो ।
