बैशाख २५ । निर्वाचन आयोगले अन्य दलको झण्डा प्रयोग नगर्न आदेश जारी गरेको छ । आयोगले शनिवार विज्ञप्ति जारी गर्दै अन्य दलको झण्डा प्रयोग नगर्न आदेश दिएको हो । स्थानीय तह निर्वाचनका सन्दर्भमा सम्बन्धित दल तथा उम्मेदवारले बाहेक अन्य दल र उम्मेदवारले पनि झण्डा प्रयोग गरेको भनी आउको समाचारप्रति आयोगको ध्यानाकर्षण भएको भन्दै झण्डा प्रयोग नगर्न आदेश जारी गरेको हो ।

आयोगले राजनितिक दलसम्बन्धी ऐन २०७३ ले राजनैतिक दलको झण्डा र चिन्ह अरु कसैले प्रयोग गर्न नपाउँने र संरक्षण तथा निर्वाच आचारसंहिता २०७८ बमोजिम ३÷३ को झण्डा र सोही नापको चुनाव चिन्ह बाहेक दलको कुनै किसिमको डिजिटल बोर्ड, फ्लेक्स, ग्लुसाईन बोर्ड, श्रव्य सामाग्री बजाउन, र श्रव्यदृश्य सामाग्रीहरु बजाउन नहुने व्यवस्थाप्रति ध्यानाकर्षण गराउँदै दलको एउटा झण्डा र एउटा चिन्ह प्रयोग गर्न सकिने भएपनि अन्य दलको झण्डा , चुनाव चिन्ह प्रयोग गर्नु निर्वाचन आचारसंहिता विपरीत भएको जनाएको छ ।

आयोगले आचारसंहिता उल्लङ्घन गरी आचारसंहिता विपरीत अन्य पार्टीको चिन्ह र झण्डा प्रयोग गरी गरी मतदातामा भ्रम फैलाउने लगायतका कार्य गरेमा कानुनी कारबाही गर्ने चेतावनी दिएको छ । त्यस्तै आयोगले निर्वाचन आचारसंहिता विपरितका कार्य नगर्न सबैलाई आग्रह समेत गरेको छ ।