भैरहवा, ३० जेठ ।सिटिजन्स बैंक इन्टरनेशनल लिमिटेडका ग्राहकहरुले सत्य ओमकार डेण्टल होम प्रा .लि.मा उपचार सेवामा छुट पाउने भएका छन् सिद्धार्थनगर–७, भैरहवास्थित सत्य ओमकार डेण्टल होम प्रा.लि।.मा उपचार सेवामा छुट पाउने भएका छन् । बैंक र डेण्टल प्रा.लि.बीच सोमबार भएको सम्झौता अनुसार बैंकका ग्राहकहरुले छुट सुविधा पाउने भएका हुन् ।
बैंकका कर्मचारी अन्तिम थापा, ओमकार डेण्टल प्रा.लि.मा कार्यरत डेण्टल सर्जन डा. अस्मिता यादवको रोहबरमा बैंकका भैरहवा शाखाका प्रबन्धक एक नारायण अर्याल र प्रा.लि.का सञ्चालक समिर झाले उक्त सम्झौतापत्रमा हस्ताक्षर गरेका छन् ।सम्झौताअनुसार दन्तरोगसम्बन्धि उपचारमा १५ प्रतिशत छुट (दाँतको सफाई, दाँत भर्ने, दाँत निकाल्ने, बच्चाको दाँतको उपचार र दाँतको जरा राख्ने) प्रदान गरिनेछ ।
त्यस्तै १० प्रतिशत छुट प्रदान गरिने सेवाहरुमा दाँतको आर.सी.टी (जरैदेखि उपचार), दाँत झिक्नेरराख्ने, फिक्स दाँत राख्ने, मुखको सामान्य शल्यक्रिया, दाँतमा खोल राख्ने र पुरै सेट दाँत राख्ने रहेका छन् ।सत्य ओमकार डेण्टल प्रा।लि।मा प्रत्येक शुक्रबार काठमाडौंको महाराजगंजस्थित त्रिवि शिक्षण अस्पतालका डा। किशोर दत्तबाट चेकजाँच गरिदै आएको सञ्चालक समिर झाले बताए ।
