दाङको देउखुरीमा करेन्ट लागेर एक जनाको मृत्यु
असार ३ दाङ, । दाङको देउखुरीमा करेन्ट लागेर एक जनाको मृत्यु भएको छ । राप्ती गाउँपालिका वडा नं–५ पहरुवा निवासी करिब ४५ बर्षिय मोहन चौधरीको आज विहान मोटरबाट पानी तानेर खेतमा चार्ने क्रममा करेन्ट लागेर मृत्यु भएको हो ।
घरबाट तानिएको तारमा करेन्ट प्रसारण हुँदा चौधरीलाई करेन्ट लागेको थियो । करेन्ट लागेर पानीमा डुबेको अवस्थामा स्थानीयले देखेपछि प्रहरीलाई खबर गरेका थिए ।शवलाई लमही अस्पतालमा राखिएको छ । घटनाबारे थप अनुसन्धान भइरहेको छ ।
प्रकाशित : २०७९ असार ३, शुक्रबार १२:५३
