काठमाडौं । टेलिभिजनमा रियालिटी शो डान्सिङ स्टार्स नेपालको फाइनलमा परमिता राणा र जेडी तमु तथा छिरिङ शेर्पा र सरोज प्रजाको जोडी प्रवेश गरेको छ । रियालिटी शो डान्सिङ स्टार्स नेपालको फिनाले असार १४ गते हुनेछ ।शनिबार राति भएको सेमिफाइनलबाट अमर दाहाल अमृत दाहाल र केविका खत्रीको जोडी बाहिरिएको छ । उक्त सेमिफाइनल एपिसोड मर्मस्पर्शी र भावुक देखिएको थियो । तीनैजना निर्णायक भावुक देखिएका थिए ।
प्रतिस्पर्धाबाट बाहिरिएपछि बोल्दै कोरियोग्राफर खत्रीले भनिन्, ‘सुरुमा म आफैंलाई शंका गरेकी थिएँ, जब उहाँहरु ९अमर र अमृत०लाई पाएँ अनि मैले आफूलाई लक्की महसुस गरें ।’नृत्यमा आधारित यो रियालिटी शो हिमालय टेलिभिजनबाट प्रसारण हुँदै आएको छ ।
प्रकाशित : २०७९ असार ५, आईतवार १२:०५
