असार १८, हेटौंडा । डिभिजन वन कार्यालय हेटौंडाको आयोजनमा पृथ्वी राजमार्ग वरपरको फोहोर सफाइ अभियान कार्यक्रम सुरु भएको छ ।हेटौंडा उपमहानगरपालिकामा पृथ्वी राजमार्ग वरपरको फोहोर सफाइ अभियान सुरु गरिएको हो ।डिभिजन वन कार्यालय हेटौंडाका सहायक वन अधिकृत बसन्तराज गौतमले पूर्वपश्चिम राजमार्गको बारा र मकवानपुरको सिमाना चुरियामाईबाट सुरु गरेको अभियानलाई शनिवार हेटौंडा उपमहानगरपालिका राप्ती किनारसम्म विस्तार गरिएको बताए । सडकका किनारामा फालिएका प्लाष्टिक, पानीका बोतलसहितका फोहोरहरु संकलन गर्दै डिभिजन वन कार्यालय हेटौंडाले प्रदेश सरकार र स्थानीय सरकारसँग मिलेर अभियानको सुरुवात गरेको हो ।
हेटौंडा उपमहानगरपालिकाका प्रमुख मीना कुमारी लामा पनि हेटौंडा बजार क्षेत्रमा पर्ने पृथ्वी राजमार्ग सफाइमा सहभागी भएकी थिइन् । उनले पूर्वपश्चिम राजमार्ग, धरान–चतरा ९मदन भण्डारी मार्ग०, कान्ति लोकपथ, त्रिभुवन राजपथ र हेटौंडा– काठमाडौं छोटो दूरीको मार्ग क्षेत्रमा पनि सफाइ अभियान सञ्चालन गर्ने बताइन् ।
राजमार्गमा फोहोर नफाल्न सार्वजनिक यातायातका यात्रु, चालक तथा सहचालकले पालनाा गर्ने आचारसंहिता पनि बनाइएको सहायक वन अधिकृत गौतमले बताए । यातायात व्यवसायी संघको सहकार्यमा अब सवारी साधनभित्र डस्टविन व्यवस्था गर्ने पनि उनले बताए ।
