असार २३, विराटनगर ।मोरङको सिंघिया खोलामा एक पुरुषको शव फेला परेको छ ।मृतकको पहिचान नखुलेको मोरङ प्रहरीका प्रवक्ता डिएसपी दीपक श्रेष्ठले बताए । आज बिहान अन्दाजी ४०–४५ वर्षीय पुरुषको शव फेला परेको हो ।
सिंघिया खोलाले बगाएर मोरङको जहदा गाउँपालिका–३ हात्तीबन्दामा पुर्याएको अवस्थामा शव फेला परेको हो ।खोलामा शव देखेपछि स्थानीयले बिहान प्रहरीलाई खबर गरेका थिए । सडेर दुर्गन्ध फैलिएको अवस्थामा शव भेटिएको डिएसपी श्रेष्ठले बताए । मृतकको पहिचान गर्ने प्रयास भइरहेको उनले बताए ।
प्रकाशित : २०७९ असार २३, बिहीबार १२:५९
