मोहन बेल्वासे
कपिलवस्तुको बाणगंगा ५/६ मा रहेको बागेश्वरी सामुदायिक वनमा २९ हजार ६ सय विरुवा रोप्ने कामको आजबाट शुरुवात गरिएको छ । आज एक कार्यक्रमका विच अभियानको शुरुवात गरिएको हो ।
कार्यक्रममा बोल्दै प्रमुख अतिथि समेत रहेका डिभिजन वन कार्यालय कपिलवस्तुका प्रमुख विजयराज सुवेदीले बागेश्वरीको १८.५ हेक्टर क्षेत्रफलमा प्रदेश सरकारको सहयोगमा वृक्षारोपण हुन थालेको र यस अभियानले वन संर्वद्धन प्रर्वद्धन र जलवायु परिवर्तन न्युनिकरण मा समेत टेवा पुग्ने बताएका थिए ।
पछिल्लो समय स्थानिय निकाय आईसकेपछी सार्वजनिक जग्गा अभावका कारण वन क्षेत्र अतिक्रमण गरि विभिन्न संरचना बनाउने कार्य बढ्न थालेको बताउदै उनले वन भित्र कुनैपनी किसिमको संरचना तथा अतिक्रमणका कार्य हुन नदिन सवै सचेत हुनुपर्ने बताएका थिए ।
उनले वागेश्वरी सामुदायिक वनले आटेको यस कार्यको प्रशसा समेत व्यक्त गरेका थिए । कार्यक्रममा वडा नं ५ का अध्यक्ष दुनिका प्रसाद भुषाल ले वन संर्वद्धनको यस कार्य निकैनै प्रसंसनिय भएको बताउदै नाड्डो डाडो अव हरियाली हुने र वन उत्पादनमा वृद्धिभई आए आर्जनमा टेवा पुग्ने बताएका थिए ।
वडा ६ का अध्यक्ष करुण टण्डनले स्थानिय सरकार संगै सहकार्य नभई वनले एकलौटी यस प्रकारको काम गरेको भन्दै आपत्ती प्रकट गरेका थिए । वनका उपाध्यक्ष भरत कार्कीले वृक्षारोपण कार्यमा स्थानियले रोजगार पाएको र विपन्न वर्गलाई वनबाट प्रत्यक्ष फाईदा पुग्ने जानकारी गराएका थिए ।
वनका अध्यक्ष कल्लु थारुले प्रदेश सरकार , डिभिजन वन कार्यालय, उपभोक्ता लगाएतलाई धन्यवाद व्यक्त गर्दै दिगो संर्वद्धनमा लाग्न जोड दिएका थिए । यो अभियानले हाल केही व्यक्ति विशेषमा असन्तुष्टि देखिएपनी अन्तत वन व्यवस्थापन हुदै गर्दा दिर्घकालिन फाईदा पुग्ने र सोचमा परिवर्तन आउने बताएका थिए ।
कार्यक्रममा वन डिभिजन प्रमुख सुवेदी ले वृक्षारोपण गरि अभियानको सुरुवात गरेका थिए । भने वडाध्यक्ष उपभोक्ता वनका पदाधिकारी लगाएतले समेत वृक्षारोपण गरेका थिए ।
