साउन ५ । रुपन्देहीको सालझण्डीमा डेढ किलो गाँजा सहित २ जनालाई प्रहरीले पक्राउ गरेको छ । पक्राउ पर्नेमा रुपन्देही सैनामैना नगरपालिका वडा नं. – १० झिमपुर बस्ने बर्ष २७ को रोशन थारु र वडा नं. – ५ बालापुर बस्ने बर्ष २७ को कमल कुमाललाई प्रकाउ गरेको हो । आफ्नै घरमा अबैध लागुऔषध गाँजा लुकाई छिपाई राखि बिक्री बितरण गर्ने सूचना प्राप्तको आधारमा प्रहरीको टोलीले पक्राउ गरेको हो । प्रहरीले घरकोठा तलासी गर्दा थारुको घरबाट १ के.जी. ३६० ग्राम र कुमालको घरबाट २०४ ग्राम सुकेर तयारी भएको अबस्थामा लागुऔषध गाँजा बरामद गरेको छ । दुबैलाई पक्राउ गरि लागुऔषध ऐन अन्तर्गत म्याद थप गरी थप अनुसन्धान भैरहेको ईलाका प्रहरी कार्यालय सालझण्डी प्रमुख प्रहरी निरीक्षक जगन्नाथ मरासिनीले बताए ।