भाद्र १६ ।

ईलाका प्रहरी कार्यालय बेलहिया रुपन्देहीले लागूऔषधसहित एकजना पुरुषलाई पक्राउ गरेको छ । प्रहरीले बुधबार गोप्य सूचनाका आधारमा सिद्धार्थनगर नगरपालिका वडा नंं। १ बेलहिया बसपार्क बाट २२ बर्षीय निश्चल उप्रेतीलाई रंगेहात पक्राउ गरेको हो ।

प्रतिवादी उप्रेतिका साथबाट व्राउन सुगर जस्तो देखिने खैरो रङको ३५ ग्राम लागु औषध बरामद भएको जिल्ला प्रहरी कार्यालय रुपन्देहीका प्रहरी नायब उपरीक्षक तथा प्रहरी प्रवक्ता श्यामू अर्यालले जानकारी दिनुभयो ।

पक्राउ गरेपश्चात बरामद गरीएको सामानसहित उप्रेतिलाई थप अनुसन्धानका लागि जिल्ला अदालत रुपन्देहीबाट थप म्याद अनुमती लिई अनुसन्धान भईरहेको अर्यालले जानकारी दिनुभयो । पक्राउ परेका उप्रेति काभ्रेपलान्चोक जिल्लाको चौरीदेउराली गाउँपालिका वडा नंं। १ वस्दै आएका थिए ।