कपिलवस्तु
त्रिभुवन विश्व विद्यालयले आसन्न चैत ५ गते देशैभरका आंगिक तथा सामुदायिक क्याम्पसहरुमा स्वतन्त्र विद्यार्थी युनियन (स्ववियु) को निर्वाचनको समय तोकेको छ । जस अनुसार विभिन्न विद्यार्थी संगठनहरुले विद्यार्थीहरुको माझमा गई निर्वाचनको प्रचार प्रसारलाई तिब्रता दिएका छन् ।
सोहि क्रममा कपिलवस्तुको बाणगंगा नगरपालिका वडा नं. ८ लौगाई स्थित बाणगंगा बहुमुखी क्याम्पसमा तिन संगठनहरु मिलेर बाम-लोकतान्त्रिक गठबन्धनको रुपमा निर्वाचनमा उत्रीएका छन । हरेक विद्यार्थीहरुका समस्याहरु औल्याउँदै सबै विद्यार्थीहरुको हक हितका लागि बाम-लोकतान्त्रिक गठबन्धनका प्यानललाई विजयी गराउन आग्रह गरेका छन ।
बाम-लोकतान्त्रिक गठबन्धनकोे तर्फबाट बाणगंगा बहुमुखी क्याम्पसको स्ववियु सभापति पदको उम्मेद्धवारको रुपमा सोना पाण्डे निर्वाचनमा होमिनुभएको छ । सचिव पदमा छविलाल न्यौपाने, कोषाध्यक्ष पदमा विष्णु पौडेलको उम्मेद्वारी रहेको छ ।
त्यस्तै सदस्यहरुमा टेकराज घिमिरे, आसा खत्री, दुर्गा प्रसाद पाण्डे, दिलिप पुन, गिता रेग्मी, मन्जित बेल्वासे र मिना समानुपातिक तर्फ भने नेवि संघको तर्फ जनक राज पौडेल, मनिसा क्षेत्री, आकृति भण्डारी रहनुभएको छ भने अखिल क्रान्तिकारीको तर्फ शान्ति कुँवर र अनेरास्ववियूको तर्फ विन्दु बमरेल, काशिराम घिमिरेको उम्मेद्वारी रहेको छ ।
क्याम्पसको स्ववियु सभापतिकि उम्मेद्वार पाण्डे लोकप्रिय विद्यार्थी नेताको रुपमा चिनिनुहुन्छ । क्याम्पसको शैक्षिक गुणस्तर र विद्यार्थीहरुका हरेक समस्यमहरु समाधान र छात्रा शसक्तिकरण का लागि बाम-लोकतान्त्रिक गठबन्धनको प्यानल निर्वाचनमा आएको सभापति पदकि उम्मेद्वार पाण्डेले बताउनुभयो ।
गाउँ गाउँमै गुणस्तरिय प्राविधिक शिक्षा समयमै नतिजा, नियमित कक्षा र नियमित वरिक्षा महंगो शिक्षा र व्यापारीकरणको अन्त्य समान शिक्षा प्राणली संयुक्त गन्तव्य भन्ने मुल नाराका साथ विद्यार्थीहरुको सुख दुःखमा निरन्तर साथ दिई हक अधिकारका लागि सदैव एकजुट हुने प्रतिवद्धताका साथ बाणगंगा बहुमुखी क्याम्पसमा बाम-लोकतान्त्रिक गठबन्धन निर्वाचनमा होमिएको छ ।
