हरि आचार्य , जितपुर

राष्ट्रिय प्रजातन्त्र पार्टीका अध्यक्ष राजेन्द्र लिङ्देनले राज्य स्रोतमा हातहाल्न पाउने बितिकै ब्रह्मलुट मच्चाउने प्रवृति देखा परेको बताएका छन् । सनिवार कपिलवस्तुको मायादेवी रिर्सोटमा लुम्बिनी प्रदेश स्तरीय अगुवा कार्यकर्ता भेलालाई सम्बोधन गर्दै लिङ्देनले श्रोत साधनको अभावका कारण बिकास आयोजनाहरु सुस्त रहेको, ऋण उठाएर चालू खर्च चलाउनुपरेको अवस्थामा अहिले राज्य स्रोतमा हातहाल्न पाउने बितिकै ब्रह्मलुट मच्चाउने प्रवृति देखा परेको बताए ।
अहिलेको अवस्थामा राष्ट्रपतिको औषधी उपचारका लागि विदेशयात्रा जानु काम भएको र अयोग्य लडाकुलाई रकम दिने तयारी गरिएको भन्दै त्यसलाइ रोक्न राप्रपा जस्तो दलहरु मजबुद हुनुपर्ने उनले बताए । लिङ्देनले प्रारम्भदेखि नै उपनिर्वाचनलाई प्राथमिकतामा नराखेका कारण मत परिणामले आत्तिनुपर्ने कुनै कारण नभएपनि जनताले विकल्पको खोजी गरेको सन्देश दिएको बताए ।उनले यसअघि सरकारको नेतृत्व गरेकाले नै प्रतिवद्धता बिपरितको काम गरेकाले सरकार छाडेको स्पष्ट पार्दै सरकारमा बसेका समयमा राप्रपाका मन्त्रीहरुले गरेको कामका कारण लजाउनुपर्ने र शिर झुकाउनुपर्ने अवस्था नआउने जिकिर गरे । त्यस्तै उनले भागबण्डा गरेर र पहिलेको अवस्था फर्काएर पार्टीलाई समाप्त पार्ने छुट आफुलाई नभएको स्पष्ट पारे । लिङ्देनले पार्टीमा बसेर पार्टीलाई नै भोट दिन सकिदैन भने पार्टी छाडेर सघाउन सुझाव दिए ।