तिलोत्तमा
राष्ट्रिय युवा संघको ३४औं स्थापना दिवसको अवसरमा तिलोत्तमा नगर कमिटीको आयोजना एवं तिलोत्तमा रक्तदाता समाजको समन्वयमा तिलोत्तमा १ को शिबचोकमा रक्तदान कार्यक्रम सम्पन्न भएको छ ।
तिलोत्तमा नगर कमिटीका अध्यक्ष सुभास खत्री क्षेत्रीको अध्यक्षतामा, राष्ट्रिय युवा संघ नेपालका केन्द्रिय कमिटी सदस्य एवं नेकपा एमाले रुपन्देही जिल्ला सदस्य केशव रोक्का , केन्द्रिय सदस्य किरण नेपाल , लुम्बिनी प्रदेश कमिटी सदस्य ईश्वर न्यौपाने बिकास बस्नेत ,रुपन्देही जिल्ला उपाध्यक्ष दिपक खड्कीको उपस्थीतीमा कार्यक्रम सम्मपन्न भएको हो ।
रक्तदान कार्यक्रममा राष्ट्रिय युवा संघ नेपाल तिलोत्तमा नगर कमिटी उपाध्यक्ष एवं कार्यक्रम संयोजक जिवन पाण्डेले स्वागत गर्नु भएको थियो भने नगर कमिटीका सचिब सतिस सापकोटाले कार्यक्रम संचालन गर्नु भएको थियो । रक्तदान कार्यक्रममा ५५ जनाले रक्तदान गर्नु भएको थियो ।
