लुदस, जितपुर
कपिलवस्तुको बुद्धभुमी नगरपालिका ४ हनुमानचोकमा आज एक कार्यक्रमका विच प्रहरी चौकीको उद्घाटन गरिएको छ ।
लुम्बिनी प्रदेश प्रहरी प्रमुख प्रहरी नायव महानिरिक्षक उमेशराज जोशीले कार्यालयको उद्घाटन गरेका हुन् ।
बुद्धभुमी नगरपालिकाले त्यहाँ रहेको कृषि सेवा केन्द्र स्थानान्तरण गरि शान्ति सुरक्षा र नागरिकको ज्यू धनको रक्षाका निम्ति भवन हस्तान्तरण गरिएको नगरपालिकाका मेयर केशव कुमार श्रेष्ठले जानकारी दिए ।
कार्यक्रममा बोल्दै मेयर श्रेष्ठले घना जंगल विचबाट नगरका विभिन्न गाउँहरु जानुपर्ने हुदाँ रातको समयमा यात्रु र दुर्घटनाको जोखिम क्षेत्रमा समेत प्रहरी पुग्न सहज हुने भन्दै आगामी दिनमा चौकीलाई नगरले निरन्तर सहयोग गर्दै जाने बताए ।
प्रमुख अतिथि नायव महानिरिक्षक जोशीले प्रहरी जहिले पनी नागरिकको सुरक्षामा दत्तचित्त भएर लाग्ने र प्रहरीको उपस्थितिले संघ संस्था वैक वित्तिय क्षेत्रको विकास हुने अपराध न्युनिकरणमा भुमिका खेल्ने बताए । समुदाय र प्रहरी सधैव साथमा रहने बताउदै उनले तथ्याङ्किय रुपमा घट्नाका अपराध देखिनुभन्दा कम हुनु राम्रो उपलब्धी भएको बताएका थिए ।
पछिल्लो समय लुम्बिनी प्रदेशमा आत्महत्याका घट्नाहरु बढ्ेको हुदाँ यसमा समुदाय प्रहरी सचेत हुनुपर्ने जनाएका थिए ।
यी हुन् चौकीका पहिलो इन्चार्ज
हनुमानचोकमा उद्घाटन भएको चौकीको पहिलो इन्चार्जको रुपमा प्रहरी असई विनय श्रीवास्तवको नेतृत्वमा ७ जना रहेका छन् । सो चौकीको आफ्नै दरबन्दी १५ जना भएपनी प्रहरी अभावमा ७ जना रहेको कपिलवस्तुका प्रहरी प्रमुख प्रेम बहादुर बस्नेतले जानकारी दिए ।
