ज्येष्ठ २३ ।

बुटवलमा स्थापना भएको टुना टेक्नोलोजी कम्पनीले छोटो समयमै व्यावसायिक सफलता प्राप्त गरेको छ । ०७८ सालमा स्थापना भएको टुना टेक्नोलोजी व्यावसायिक संस्थाहरूलाई आवश्यक पर्ने सफ्टवेयर, वेबसाइट तथा सूचना प्रविधि सम्बन्धी सेवा दिने गर्दछ ।

योगीकुटीमा मुख्य कार्यालयमा पत्रकार सम्मेलन आयोजना गरी कम्पनीका अध्यक्ष गणेश चन्द पोखरेलले आइटी सेक्टरको कम्पनी लुम्बिनी प्रदेशमा स्थापित भएर सेवा दिँदै आएको बताए । दक्ष युवाहरूलाई स्वदेशमा टिकाउन र आइटी अध्ययन गरेका विद्यार्थीहरूलाई ईनहाउस ईन्टेसिभ गराउने समेतका गर्दै आएको उनले बताए । सफ्टवेयर सुरक्षा विशेष ध्यान दिएको उनले दाबी गरे ।

कार्यक्रममा प्राविधिक टिम प्रमुख सिटिओ०सर्वजित् मिश्रले विश्वमा नै मान्यता प्राप्त डाटा सेन्टर प्रयोग भएको बताए । नेपालभित्र नै सबै ग्राहकको डाटा सुरक्षित हुने भन्दै आफ्नै डाटा सेन्टर बनाउन ठुलो रकम खर्च हुने भएकाले अहिले नै सम्भव नरहे पनि भविष्यमा हुनसक्ने बताए । प्लेटफर्म नै सुरक्षित भएकाले ह्याकिङ, स्क्यामको सम्भावना नरहेको भन्दै ग्राहकलाई समेत आवश्यक तालिमहरू दिँदै आएको उनले बताए ।

कम्पनीका सिईयो राजीव गौतमले व्यक्तिगत र व्यावसायिक दुवै प्रकारका एकाउन्ट बनाएर सेवा दिँदै आएको बताए । कम्पनीको मुख्य ३ वटा सफ्टवेयरहरू टुना ईआरपि, एचएमएस र साझा मेनु बजारमा लन्च भैसकेको छ । विशेष गरी बजारको माग अनुसार उत्पादन, होटेल म्यानेजमेन्ट र डिजिटल मार्केटिङ गरी फरक फरक क्षेत्रका सफ्टवेयर चलेको छ । बजार प्रतिनिधि तयार गरेर माग अनुसारको उत्पादन गर्दै आएको उनले बताए ।  कम्पनीले सरकारी कार्यालयमा समेत सेवा  प्रदान गरेको छ । कम्पनीले विदेशमापनि  खोल्ने तयारी  गरेको छ । अस्टेलियमा  छिटै खोल्ने योजना रहेका गौतमले बताए ।

डाटा सेन्टर र आन्तरिक कनेक्सन गर्ने काम चलेको छ ।  टुनाले बजारमा सर्भिस र बजारीकरणको दुई वटा बाहिरी संरचना रहेको उनले बताए । यसै गरी भित्री रूपमा समेत सफ्टवेयर निर्माणको आफ्नो दक्ष जनशक्ति निरन्तर लाग्दै आएको  दाबी  गरिएको छ ।

कार्यक्रममा सञ्चालक धुव न्यौपाने, ई। प्रदीप भण्डारी, जीवन कुँवर, दुर्गा भण्डारीले बजारको माग अनुसार नयाँ नयाँ सफ्टवेयर उत्पादनमा जोड दिएको बताए । करिब १० करोड रुपैयाँ लागतमा स्थापित भएको कम्पनीमा २५ जना कर्मचारीहरूले रोजगार दिएको छ । स्वदेशमा काठमाडौँ र विदेशमा सिड्नी अस्ट्रेलियामा शाखा कार्यालय रहेको छ ।