हरि आचार्य, कपिलवस्तु
लुम्बिनी प्रदेश सरकार र प्रदेशका स्थानीय तहले ल्याउने नीति तथा कार्यक्रम र बजेटमा हरेक लक्षित वर्गका समुदायका लागि आर्थिक, सामाजिक र सांस्कृतिक अधिकार प्रत्याभुत हुनुपर्नेमा नागरिक अगुवाहरुले जोड दिएका छन् ।
आई.एम.स्वीडिस डेभलपमेण्ड पार्टनरको सहयोग, आर्थिक, सामाजिक र सांस्कृतिक अधिकार लुम्बिनी प्रदेश सञ्जालको आयोजना, सिद्धार्थ सामाजिक विकास केन्द्र कपिलवस्तु र जुरी नेपालको समन्वयमा दाङ जिल्लाको भालुवाङमा सम्पन्न आर्थिक, सामाजिक र सांस्कृतिक अधिकारको प्रत्याभुतिका लागि पैरवी तथा नागरिक अनुगमन तालिम तथा कार्यशालमा सो कुरामा जोड दिईएको हो ।
२ दिन सञ्चालन उक्त तालिम तथा कार्यशालामा जुरी नेपालका अधिवक्ता बिष्णु प्रसाद पोख्रेल सिद्धार्थ सामाजिक विकास केन्द्रका पुर्व अध्यक्ष पोम नारायण पौडेलले सहजीकरण गर्नुभएको थियो ।
विभिन्न सामाजिक संघ संस्था, अधिकारकर्मी, विद्यालय, अपांगता भएको व्यक्तिको क्षेत्रमा काम गर्ने संघ संस्थाहरुका प्रमुख तथा प्रतिनिधिहरुको उपस्थिती रहेको थियो ।
प्रशिक्षकहरुले आर्थिक, सामाजिक तथा सांस्कृतिक अधिकारबारे जानकारी, आर्थिक, सामाजिक तथा सांस्कृतिक अधिकार अनुगमन, नागरिक वकालत र यसका विधि, प्रदेश स्थानीय तहमा योजना तर्जुमा प्रक्रियाबारे, सामाजिक जवाफदेहीता तथा सुचनाको हक, मानव अधिकारमैत्री अवधारणा तथा लैगिंक बजेटबारे जानकारी दिई स्पष्ट पार्नुभएको थियो ।
तालिममा शिक्षा, स्वास्थ्य, रोजगार लगायतका विषयमा प्रदेश र स्थानीय तहले आवश्यक नीति तथा बजेट ल्याउन नसकेको सहभागीहरुले बताएका थिए ।
सहभागीहरु मध्ये समुह विभाजन गरि महिला, एकल महिला, मुस्लीम, वालवालिका, किशोर किशोरी, युव, अपांगता भएका व्यक्ति, अशक्त लक्षित विभिन्न नीति, कार्यक्रम र बजेटको व्यवस्था गर्नका लागि सुझाव पत्र समेत तयार पारिएको छ । सो सुझाव पत्र लुम्बिनी प्रदेशकाको सामाजिक विकास मन्त्रालय र योजना आयोगमा समेत पेश गरिएको आर्थिक, सामाजिक र सांस्कृतिक अधिकार लुम्बिनी प्रदेश सञ्जालका संयोजक रोमकान्त घिमिरेले बताउनुभयो ।
सहभागी मध्येबाट लुम्बिनी प्रदेशका पुर्व सांसद गीता थापा, युथ मिडिया डेभलपमेन्ट सेन्टरका प्रतिनिधि कृष्ण्राज पाण्डे तालिम अत्यन्तै महत्वपुर्ण रहेको बताउदै सिकेका विषयहरुलाई व्यवहारमा उतार्ने प्रतिवद्धता व्यक्त गर्नुभएको थियो ।
समापन कार्यक्रममा सञ्जालका संयोजक रोमकान्त घिमिरेले कार्यक्रम सफल बनाउन सहयोग गर्ने सम्पुर्णमा धन्यवाद व्यक्त गर्दै सिकेका विषयलाई व्यवहारमा लागु गर्नुपर्नेमा जोड दिनुभयो ।
