३० जेठ,मलेसिया
प्रियसी म्युजिक प्रा.लि.को आयोजना तथा उद्दार खवरको समन्वयमा जुन ११ मा मलेसियाको क्वालालाम्पुरमा दोस्रो सिल्भर अन्तरराष्ट्रिय संगीत सम्मान तथा बिबिध साँस्कृतिक कार्यक्रम सम्पन्न भएको छ ।
सो कार्यक्रममा नेपालमा रहेर गीत संगित,पत्रकारिता र सामाजिक रुपान्तरणका क्षेत्रमा सहयोग पुर्याइरहेका करिव २९ जना ब्यक्तिहरुलाई सम्मान गरिएको राष्ट्रिय संगितकर्मी संघका केन्द्रिय अध्यक्ष बिक्रम जंग शाहले बताउनु भएको छ ।
कार्यक्रममा बरिस्ठ कलाकार घमेस दुलाल, नवराज घोरासैनी ,जीवन परियार, सन्ध्या सानू, आसा लामा लगायतको प्रस्तुती रहेको थियो । मलेसियामा रहेका सयौ नेपालीहरुको उपस्थितले कार्यक्रम मा रौनकता थपिएको थियो सो सम्मान कार्यक्रम सँगै थाईल्याण्ड, मलेसिया र सिंगापुर गरी तिन देशको भ्रमण समेत गरिएको ब्यवस्थापक अमन श्रेष्ठले बताउनु भयो ।
सो सम्मान कार्यक्रमको बिजेताहरुमा घमेश दुलाल (लोक दोहोरी गायक), यसकुमार (सर्बोत्कृष्ट आधुनिक गायक), पल शाह (सर्बोत्कृष्ट आधुनिक मोडेल पुरुष), आसा लामा (सर्बोत्कृष्ट लोक दोहोरी गायिका), सन्ध्या सानू (सर्बोत्कृष्ट लोक दोहोरी मोडेल महिला), पल्मु शेर्पा (सर्बोत्कृष्ट सेलो गायिका), निमा
पाख्रीन लामा (सर्बोत्कृष्ट सेलो गायक), लक्ष्मी कुमार महर्जन ( सर्बोत्कृष्ट मोडेल नेपाली भाषा), बिस्वास बज्रचार्य (सर्बोत्कृष्ट म्युजिक भिडियो निर्देशक नेपाली भाषा), जीवन परियार (सर्बोत्कृष्ट लोक दोहोरी लय ), लक्षुमण श्री (सर्बोत्कृष्ट सर्बोत्कृष्ट लोक आधुनिक गायक), राजेश बर्देवा (सर्बोत्कृष्ट लोक पप गायक), केशब भुसाल (सर्बोत्कृष्ट लोक दोहोरी नब मोडेल), गणेश राज भन्डारी (सर्बोत्कृष्ट आधुनिक नब मोडेल), भोज कुमार श्रेष्ठ ( सर्बोत्कृष्ट टेलि चलचित्र कलाकार), दावा लामा (सर्बोत्कृष्ट प्रोडुसर), कुमार खड्का (सर्बोत्कृष्ट समाजसेवि) रहनुभएको छ ।
त्यस्तै सुदिप भट्टराई (सर्बोत्कृष्ट आधुनिक गीतकार०, दोर बहादुर टुवाल (सर्बोत्कृष्ट म्युजिक भिडियो छायाकार), नवीन परियार ( लोक दोहोरी नब गायक) सम्मानति हुनुभएको हो ।
कार्यक्रम राजेन्द्र पुरीको सभापतित्व, मलेशियाका लागि नेपाली राजदूत डिल्ली राज पौडे को प्रमुख आथित्यता, मध्यपुर थिमी नगरपालिका नि बर्तमन नगर प्रमुख मदन सुन्दर श्रेष्ठ एन.आर.एन.ए.अध्यक्ष मलेशियाका बिनोद थापा, विभिन्न सघ सस्था का अध्यक्ष, साथै लाइभ टाइम एचिमेन्ट अवार्ड बरिस्ठ लोक गायक नवराज घोरासैनी , मनोरञ्जन पत्रकारिता थानेस्वर अधिकारी, साथै कला सम्मान बाट मोडेल अमन श्रेष्ठ लगायत एक दर्जन कलाकारलाई सम्मान गरिएको कार्यक्रम निर्देशक राजेन्द्र पुरिले जानकारी दिनु भयो ।
कार्यक्रममा मलेशिया का स्थानीय बासिन्दा गायिका लिम सिस्टर लगायत बरिस्ठ गायक घमेश दुलाल, नबराज घोरासैनी, लक्षुमण श्री, पल्मु शेर्पा निमा पाख्रीन लामा, आसा लामा, जीवन परियार लगायतका कलाकारहरु को प्रस्तुति रहेको थियो भने यस कुमार र नायक पल शाह सग फोटो खिच्नेहरुको लर्को लागेको थियो । एन.आर.एन.ए.का अध्यक्ष बिनोद थापाले ५१ हजार नेपाली रुपैया सहयोग गर्नुभएको थियो विभिन्न सघ सस्थाहरुले पनि सहयोग गरेका थिए ।
गायिका प्रनिता तामाङको टिमले कार्यक्रम लाई सफल पार्न मलेशिया बाट साथ दिएका थिए कार्यक्रममा मुख्य निर्णय प्रमुख संगीतकर्मी संघका केन्द्रिय अध्यक्ष फिल्म निर्माता तथा गायक बिक्रम जंग शाह रहनु भएको थियो।
कार्यक्रम राजेन्द्र पुरिको अध्यक्षता, मलेसियाका लागि नेपाली राजदुत डिल्लीराज पौडेलको प्रमुख आथित्यता, मदन दास श्रेष्ठको स्वागत , रास्ट्रीय संगीतकर्मी संघका अध्यक्ष बिक्रम जङ्ग शाहले कार्यक्रमको उद्देश्य माथी प्रकाश पार्नु भएको कार्यक्रमको सन्चालन राजेश बर्देवाले गर्नु भएको थियो ।
कार्यक्रममा चार्चित नायक पल शाह र गायक एस कुमारलाई विशेष सम्मान गरिएको थियो कार्यक्रमको मिडिया पार्टनर उद्धार खवर अनलाईन र देशान्तर साप्ताहिक र सहयोगी सस्थामा नेपाल एयरलाइन्स रहेको छ ।
