हरि आचार्य, कपिलवस्तु
कपिलवस्तु बचत तथा ऋण सहकारी संघ लिमिटेडको सञ्चालक समितिको बैठक विभिन्न महत्वपुर्ण निर्णयका साथ सम्पन्न गरिएको छ । संघका अध्यक्ष गुणानिधि भुसालको अध्यक्षतामा सम्पन्न बैठकले विभिन्न प्रस्तावहरु माथि निर्णय गरेको हो ।
बैठकमा संघका क्रियाकलापको समिक्षा गर्नुका साथै बार्षिक लेखा परिक्षण, बार्षिक साधारण सभा, वित्तिय साक्षरता सहजकर्ता तालिम, स्टेटमेन्ट, सदस्यता विस्तार तथा नविकण, गोष्ठि सम्बन्धमा छलफल गरि विभिन्न निर्णय गरिएको हो ।
बैठकले संघको चालु आर्थिक बर्ष २०७९/८० को बार्षिक लेखा परिक्षण कार्य २०८० साउन १५ भित्र गर्ने, संघको साधारण सभा २०८० भदौ मसान्त भित्र गर्ने समेत निर्णय गरेको छ ।
त्यस्तै संघ र विभिन्न सहकारीको व्यबस्थापनमा २०८० असार मसान्त सम्म वित्तिय साक्षरता सहजकर्ता तालिम सम्पन्न गर्ने, २०८० असार मसान्त भित्र सदस्यता विस्तार तथा नविकण सम्पन्न गर्ने निर्णय गरेको हो ।
त्यस्तै बैठकमा नेपाल सरकारले आगामि आर्थिक बर्ष २०८०/८१ का लागि प्रस्तावित नीति, कार्यक्रम तथा बजेटमा सहकारीको आयकरमा लाग्ने करको दर वृद्धि गरि ग्रामिण क्षेत्रमा सञ्चालित सहकारीमा परेको असर प्रति संघको ध्यानाकर्षण भएको जनाईएको छ ।
साथै सहकारीको हित विपरित हुने सरकारका गतिविधि तथा नीतिले सहकारी र सदस्य प्रतिको दुरी बढाउने समेतका अन्य गतिविधी रोक्न समेत ध्यानाकर्षण गर्ने बैठकले निर्णय गरेको छ ।
बैठकमा प्रदेश लेखा संयोजक तेज प्रसाद आचार्य, सदस्य सुर्य कुमारी शाहि, प्रदेश तदर्थ समिति सदस्य तथा सिनर्जी बहुउद्देश्यीय सहकारी संस्था लिमिटेडका अध्यक्ष लक्ष्मण बेल्बासे, सिद्धार्थ सहकारीका अध्यक्ष ईन्दिरा भट्राई, मेरिट सहकारीका प्रबन्धक सरोज खनाल, सिद्धार्थ सहकारीका व्यवस्थापक हरिलाल शर्मा, कपिलवस्तु बचत तथा ऋण सहकारी संघका व्यबस्थापक दिनामणि खनाल लगायत संघका पदाधिकारी तथा सदस्यहरुको उपस्थिती रहेको थियो ।
