लुदअ, अर्घाखाँची
अर्घाखाँचीमा पहिरोले घर पुर्दा एकै परिवारका तीन जना बालबालिकाको मृत्यु भएको छ । पाणिनी गाउँपालिका–१ गोवनपानीमा माथिबाट खसेको पहिरोले घर पुर्दा तीन वालवालिकको ज्यान गएको हो ।
१२ वर्षीय खुमबहादुर राष्कोटी, ११ वर्षीय अञ्जु राष्कोटी र १० वर्षीय धनबहादुर राष्कोटीको मृत्यु भएको जिल्ला प्रहरी कार्यालय अर्घाखाँचीका प्रहरी नायव उपरिक्षक डिएसपी मुकुन्द प्रसाद रिजालले जानकारी दिनुभयो ।
उक्त घटनामा सख्त घाइते भएका १४ वर्षीय सचिन राष्कोटीलाई थप उपचारको लागि पाल्पा पठाइएको छ । आज बिहान ८ बजेतिर एक्कासि घरमाथिबाट पहिरो खसेको र चार जना पुरिएको प्रहरी नायव उपरीक्षक रिजालले साझाकुरासँग बताउनुभयो ।
पुरिएका चारै जनालाई प्रहरी र स्थानीयले पहिरोबाट निकालेका थिए । रातभरको अविरल वर्षाका कारण माथिबाट आएको पहिरोले घर भत्किएको प्रहरीले जनाएको छ ।
प्रकाशित : २०८० असार १९, मंगलवार १८:२९
