सुनवल, १९ माघ । पश्चिम नवलपरासीको सुनवलमा गएराति बस र टिप्पर एकआपसमा ठोक्किदा १७ जना घाइते भएका छन् । घाइते मध्य केहिको अवस्था गम्भिर रहेको छ । काठमाडौबाट बाजुरा जाँदै गरेको सुपप्र ०१–००१ ख ३४८० नम्बरको बस र बुटवलबाट सुनवल आउदै गरेको लु २ ख १६९६ नम्बरको टिप्पर गएराती १० बजे तिर सुनवल – ४ अल्कत्रे डाडां नजिकै ठोक्किएको हो ।
दुर्घटनामा घाइते मध्य १३ जनाको देवदह मेडिकल कलेज भलुही र ४ जनाको लुम्बिनी प्रादेशिक अस्पताल बुटवलमा उपचार भैरहेको जिल्ला प्रहरी कार्यलय पश्चिम नवलपरासीका सूचना अधिकारी डिएसपी रमेश बोहराले जानकारी दिएका छन् ।
सवारी साधन र टिप्पर चालकलाई नियन्त्रणमा लिइ दुर्घटनाबारे थप अनुसन्धान भइरहेको प्रहरीले जनाएको छ । बस चालक भने घाइते भएका छन् ।
प्रकाशित : २०८० माघ १९, शुक्रबार ११:५४
